Read Mayangna Jeremías 24 Bible Online

Jeremías 24 - Mayangna bible

Jeremías 24

¹Babilonia kingni Nebokatnesar, yaklauwi Judá kingni Jeconías, Joacim walanibis, kidika yakat laihwi dukiuna, tunan muihni balna bitik, tingkau di yamwi lan muihni balna, dawak ayan kau di yamyang muihni balna bitik, usnitkat Papang yaklauwi nikingkana, makat yulnin uni muhnit yakat ani damni minik uslun bu puwi lakna kat.

²Uslun as kidika laih minik yayamni dai, tatuna lalahwa kidika, dawak uslun ūk kidika laih minik dudutni dai kasnin bik sip awas dai.

³Dawak Papang yaklauwi yayulwi dakana: “Jeremías, ¿ais talamanh?” Yang nangnitlanayang: “Ani damni minik. Yayamni kidika laih, tanit yayamni ki, dawak dudutni kidika laih, tanit dudutni ki, kasnin sip awas ki.”

⁴Kaput dawak Papang yaklauwi yayulna:

⁵“Yang laih Israel Papangni yang kat yultayang: Ani damni minik yayamni kapat talki, Judá tawanni kidika, kat akaupak yamting kat, sau ūk yakat laihwi duwi uina dai bahang Caldeo balna saunina yakat. Bahang witingna yakat yamni talna awaki,

⁶yang tingki dinit yakat atik maintalki, dawak yamting kat watwi sauni akat nawatwi aiwarang. Akat kalating barakwarang, dawak wattik dutni kalyamtas awaki; dahki ki, dawak wattik duttik yaktas awaki.

⁷Amanglanin kidika kalaki, bahang kaput laih amanglawarang, yang laih Papang yang, dawak witingna laih tawanki karang, dawak yang laih witingna Papangnina awaki, kat witingna isningna kidika yang akat manah wirlalawarang bahang.

⁸“Wirlawak, Judá kingni Sedequías, dawak tunan nunuhni balna, dawak Jerusalén muihni balna witingna sauni yakat wawatna dai kidika, dawak Egipto yakat uiwi panina duduna balna dai kidika laih, ani damni minik dutni kapat diyamki, dutni kat kasnin sip awas kapat.

⁹Witingna yakat di as diyamki, bahang yamadangni[30] dakakawarang sau akat nisan balna bitik yakat, bahang kidika laih niningkana as kapat karang, dauh kalkulna kidika, minit dis, dutni kulna karang sau bitik yakat yang lawik kalating ruhwi kiwarang kidika.

¹⁰Wār sihki, yuh, yamah dutni, as bik watwas karang sau dianayang yakat, dawak witingna muihnina bararak balna yakat bik dianayang dai sauni yakat.”