Read Mayangna Lamentaciones 1 Bible Online

Lamentaciones 1 - Mayangna bible

Lamentaciones 1

¹¡Ampat di dis kalnayah tawan nuhni tanitmani kau laih muih manahbuhngdai kidika! ¡Yal tingmak kapat ki, nisan balna tawannina nuhni dai kidika! ¡Wark parasni yakat ahawa kidika king balna walaninabis yal dai kidika!

²Pukta yakat kakaidak dilamawi, miniknawas kidika muhnina yakat kiri. Saini balna bitik duwadai kidika as bik kaiwi walaniāwaski. Kaltalyang yamni balna duwadai kidikaalas kalyuyulna; waihnila balna kakalna.

³Wauhwa kidika minityakat wark bik parasni, Judá bik wauhwi, sau ūk yakatlaihwi duwi uina kidika yulni. Muhnilau laih tawan balna pasyakatking kawadai, kaunah waralaih sip wingnita puhwas ki. Uiwi aiwa balna dai kidikawaralaih uiwi kuihwi lalaihna dawak sip-awas kalalahna.

⁴¡Sayan tani balna kidika ampat kulninbuknayah! ¡Muih as bik diski alasna yakatkiuna atnin! Tawan nuhni dūrni balna kidikalaih diski ahni manah ki, sumalyang balna kidika kakaidi, wawahma kidik kulninna bukna, dawak Jerusalén bik tapahlni duwi.

⁵Waihnila balna kidika yaklauwi tataihwi, dawak niningkauh muihni balna kidikayamni bararakwi. Kidika laih Dawan yaklauwi kalawakkulnin bukna, dutni mahni yamna kidika yulni. Walaninabis balna kidika laihwisau ūk yakat duwi uina waihla balna yaklauwi.

⁶Sayan yaksihni dai kidika disna, dawak nuhni yaksihndai kidika bik; tanituna muihni balna kidika sana kapat dibasta wawalwi; kalnina murwi uiwi di ihiwa balna tanitna yakat.

⁷Jerusalén laih isningkatwikidika mani balna dai yakat, witing alas kulnin bukna kidika karak; isningkatwi, ritsni balna manas duna dai kidika ma bayakna balna dai yakat; isningkatwi mampat waihnila tingni yakatbukna kidika dawak muih as bik kaiwi ilp kalanakaiwasdai, dawak waihnila balna kidika talwi sarahni diyayamna dutni dibukna kidika yulni.

⁸Jerusalén kidika dutni mahni yamna yamna balna kidika laih di dauh askalkulnin dini ki.[1] Muhnilau laih nuhni kalkulwadai; kaunah waralaih minitdis dauh kalkukulwi, kat witing wahnidis kidika kaltatalna bahang. Kidika bahang kaidasakki, yakasaldi dangbuh dawi.

⁹Witing asnina kidika di dutnimaisihni manah buhngki; witing yakat di kalkalahwarang kidikakulwasdai. Bukwas atnin kapatdai kaunah bukna; muih as bik diski walaniānin. ¡Talah Dawan, yang sau yakatbuktayang kidika dawak waihla kidika laih witingmanah kapat kaldakawi!

¹⁰Waihla kidika kawi laihwi duna Jerusalén ritsni balna kidika, Tawan nuhni kidika talnaPapang kukulwas balna yakat dawak holi pāni yakat parasni palniuiwi kakana, ¡kidika muihni balna yakat paknaman,Papang, kalududuhwa pāni yakat kanin awas!

¹¹Kidika muihni balna bitik kakaidi, kasnin dini wawalwi; witingna ritsnina kidika wiririhnakasnin dini karak witingna kaput sangka atnin. ¡Dawan talah dutni didis kalnayang kidika! ¡Dutni yakat buknayang kidika yakultah!

¹²¡Manna,[2] ta munah yawamana kidika watta kulta dakanauh dalani sakpa yang dutayang kapat yāyamwak kasak wauhtayang kidika! ¡Dawan yaklauwi yasihna, wauhtayang adika witing kulnin daukalwakat!

¹³Dawan yaklauwi ruhmlakna makaupak kuhpau as, yang wakalki balna kat busna; yang bayaktayang tani yakatyalaihnin dini as lakna dawak yayamwak nawattik dangsanayang; yaruhmwi dana, minit kaiwa balna bitik yakatwauhnin kidika yana.

¹⁴Yang dutki balna kidika Dawan talna; witing palni tingni kau laihwi yasihna, tikini ki, yang mikityakat, sihm turuh arangni kau pan sitwa dini kapat:[3] ¡paraski bitik dahnkalna! Dawan yaklauwi muih tingnina yakat yahana kidika niningyakat sip-awasyang.

¹⁵Dawan yaklauwi naikau ruhmwi yakna kulninna dadasni balna bitiknakitdadakwadai kidika. Kalbauyang muihni balna kidikanikingyakat sihna yakalbauna atnin, ahal kulninna dadasni dutayang kidikaimuknin. ¡Dawan yaklauwi taihwi sikitnaJudá wawahnima balna kidika, wain minik taihwi sikitwiwasni yayakwa kapat!

¹⁶Adika dini balna yayamwak aidayang. Mikwas kidika buhngki, mikpa yakat, muih as bik disyang walakiānin, dawak wingkita yanin bik muih diski. Walakibis balna kidika bahwidisdana balna pasyakat ki, kat waihla kauh sip-daiyang karak dawakat.

¹⁷Sayan kidika sau kat bukwitingni yu dawi, kaunah muih as bik diski walaniānin. Dawan yaklauwi pakna Jacob kidika waihnila balna yaklauwi kal-awaihdaknin; Jerusalén kidika laih witingnaniningna yakat di dauh kaltalnin as ki.

¹⁸Dawan laih yamnin dini kidika yamna, kat witing lāni niningkauh lawanayang bahang. ¡Yadakanauh, tawan bitik mana kidika; dalani wauhtayang kidika talnauh! ¡Wawahkima, sirarauki balna kidika laihwi duwi uina warau lani yakat!

¹⁹Ilp yulnayang saiki balna yakat, kaunah witingna dutni yayayamna. Sumalkiyang, dawak muihkibararak balna kidika dadauna, tawan nuhni yakat: ¡kasnin dini walwabangdai sangka atnin yulni!

²⁰¡Dawan talah, aidayang kidika! ¡Paski kidika tutwa kapat kaldakayang! Dalani kidika putki minik yakat taihwi kulnik anyang dunayang dai kidikakultingkat. Ahni yakat walakibis balna kidikaisparah yaklauwi iwi, dawak pas-akat bik daunin kidika sakki.

²¹Muih dakakawi aidayang kidika, kaunah muih diski walakiānin. Waihkila balna kidika bitik amanglalawi dutni wauhtayang kidika, dawak alasna dakakawi man lawayamnaman kidika. ¡Yamtayang kaiwang, ma balnakaiwarangti yulnaman kidika, dawak witingna yakat bik kiwang yang akat kaina kapat!

²²Yamtang kat muhma yakat kiwang dutni yayamna balna bitik kidika; dutni yayamna balna kidika diwistah, yang kau yayamnaman kaput, aidayang kidika laih nuhni palni ki; ¡putki minik kidika siknis duwi!