Read Mayangna Lamentaciones 3 Bible Online

Lamentaciones 3 - Mayangna bible

Lamentaciones 3

¹Yang kuduh dalani wauhninamanglanayang kidika Dawan kulnin daukalna kau bauwa kidika.

²Puksani pāni yakat yaduwi kiuna, ta yaringni dis kidika munahyāwak lapaknayang;

³wat wat, awar balna bitik yakat, tingma kidika kaiwi bukwi mikityakat.

⁴Yang muihki, ukitak adika muihbarak kalna, wakalki balna bitik ruputwi kalahna;

⁵yaihkit awaih yak dulauna daklana tapahlni asdawak wauhnin balna bik;

⁶yayamwak puksani yakat yalahtayang, dadauna balna ma mahni bayakwa kapat.

⁷Daklana as kalahnin sip awas yakatyahana; sin tikini karak yasitwi yawarauna;

⁸sarahtik ilp yulnayang bik, kalni dinit yakat buktik yulnayang bik,yadakawasdai;

⁹kipala kau tilawi ilwi takitdakna, ¡taki balna kidika satuk kalna dai!

¹⁰Witing laih yang nikingyakat layan as yakmaldana kapat dai, sihm dangkatakalbas as yalaihnin manah kapat.

¹¹Ta kaupak naikau yayakna, dawak yaiswi bisna, ¡muihsak manah yabahngilna!

¹²¡Lasni kidika iswi niking yakat yuna, sinibang kidika, barangni yang yakatyabasna atnin!

¹³Dawan yaklauwi sibang ruhmna kidika muihki pasyakau yapana.

¹⁴Tawanki muihni balna bitik kidika yang kau sarahni yatatalwi; awar balna bitik yakat yang akatsarahni yatatalwi.

¹⁵Dawan yaklauwi tapahlni manah yabangna; dinik yana kidika laih tapahlni palni ki.

¹⁶Yayamwakat, anaki kidika sau katbaunayang; yayamwakat sau yahamni kidika kasnayang.

¹⁷Kulnin aslah lani kidika yang kaupak naikau kalahwi kiuna dawak alasna isninglak atnin kidikabik dikitkahna.

¹⁸Yang kulnayang dauna Dawan yakat tahanin lani dutayang dai kidika.

¹⁹Isingkattayang kulnik bukna dawak bik alasnayang kidika, tapahlni dutayang kidika dawak wauhtayang kidika bik;

²⁰kidika yakat kultayang kat kulnik yaklauwa kidika sau katkiwi bukwi.

²¹Kaunah di as kidika ban duta atnikkultayang dawak kidika yakat yang tahanik lani kidikaduta atnik:

²²Dawan dalani lani duwa kidikalaih dahnkalwas ki, dawak minikun talnin lani kidikabik dahnkalwas ki.

²³Mapiris kaiwa balna bitik yakatwisam yamwi; ¡witing barangni kidikaampus nuhniyah!

²⁴Dawak yayulna: ¡Dawan kidika manah ki yang dutayang kidika; kidika bahang witing yakat kulnik atik dutayang!

²⁵Dawan laih yamni ki, wais witing yakat kulnin awi duwa kidika, dawak witing yakat bik kalwalwi uiwa kidika.

²⁶Tanit yamni ki, ap dawi tahanin kidika dawak Dawan yaklauwi ilp mayana atnin.

²⁷Tanit yamni ki muih al kidika dinit yakat bukwarang kat wahma kalwa kaupak.

²⁸Muih al kidika laih alas watwiap sak atnin ki, Dawan yaklau pakwa kat;

²⁹kulnin sau yakat buknin ki, dawak bik sau yakat umnin ki, baisa tahanin lani kidika sakkarang kat;

³⁰tiswa muihni kidika yakat kalawakmuhni tisnin ki, dawak kaluswa muihni kidika yaklaukasak usnin ki.

³¹Dawan laih mairuhmwi dawas karang kiban kaput atnin yakat.

³²Yamwak wawauhwi kaunah watwiminiknakun talwi, kat witing dalani talwa kidika laihnuhni palni bahang.

³³Rahm palni kidika laih, diawak muih kulninna buknin kidika dawak muih ahal yakat diawak dalani wauhnin kidika bik dukih kalawas ki.

³⁴Minikun talwas kalkau ataknin kidika kidika sauni muihni silak muihni balna yakat,

³⁵muih rahmni kalawas atnin kidika Papang muhni palni yakat,

³⁶lā kat yamwas kidika Dawan yaklau dutni yakat wirlana ki.

³⁷Di as yulwakat, kidika laihdi as kalahwi, kat kidika laih Dawan yaklauwikaput pakna bahang.

³⁸Di yayamni balna dawak dudutni balna kapat kidika aiwi kat, Papang yaklauwikaput yamwa bahang.

³⁹Muih al kidika di dutni yamyang as kikaunah, ¿ais yamwi dutni dakawi yulwihadika sangnika akat?

⁴⁰Mayang yamni palni laihdi taldang makulnik di yamda balna kidika, dawak watdi Dawan yakat nawatdi mawang.

⁴¹Papang kisang kau yakat mailmawang mayang makulnik dawakmamikit yulda kidika kau.

⁴²Mayang dutni yamnamayang, makulnik bik anyang dai, dawak man dutni kidika datang diswasdai.

⁴³Kulnam daukalna kau yana awaihtadaknaman dai, yana uinaman, ¡sangkinaka daknaman, wat wat bik talas!

⁴⁴Mukus yakat kalwadatnaman kalma dinit yakat buktik yultayangnakidika dakana atnin awas.

⁴⁵Di dutni bubuh as kapat yanayamnaman muih balna bitik muhnina yakat.

⁴⁶Yangna waihkinala balna bitik yangna nikingnakauh tininapas wakakahwi;

⁴⁷yamadunin, mailaihnin dini, bahwidis yamnin ¡kidika balna kuduh mailaihna kidika!

⁴⁸Mikpa kaupak was kapat kirimikwas kidika yang tawanki nuhni dalani talayang kidika, daukalwa kidik.

⁴⁹Mikpa balna kidika dakadi, laihwatwaski, kat yamni kalahwak dakanin kidika laih diski

⁵⁰kisang kau Dawan kidika mayakaupak maitalwarang kat.

⁵¹Mikpa balna kidika dalawi solki kat, yang tawanki nuhni walanibis balna yakatdikalahna kidika kulting kat.

⁵²Pini di as dis kaupak waihkila balna kidika yalaihwi yaihinauhubin as kapat;

⁵³sangka palni pa kuhrna yakatyahawi yanununa, dawak kipala kau pāni kungmak yakatpuputna.

⁵⁴Was kidika bitik palni laihyasuruhmlakna ki, dawak yang kulnayang: “Yang laih disnayang.”

⁵⁵Yang, Dawan, man ayangma yultayang pa kudungni tanit dutni kidika kaupak:

⁵⁶yang dikit yultayang kidika dakanaman; dawak yang kalma dinit buktik yultayang kidikadaka yamtas laih awas man.

⁵⁷Angdika mani yulting kat, yang yakat aiwama, dawak yayultaman: “Yamaduwinih.”

⁵⁸Man nakitdaktaman Dawan, kalbautayang kidika yakat, man sangkika kidika laihta yaktaman.

⁵⁹Dawan, man talaman, lā kat awas kidika yulni, ¡lā kat kidika yamtah yang akat!

⁶⁰Man talaman, dukih diawa kidika, biriwi yamnin yang nikingkauh yamnin yulniridi kakalwa kidika.

⁶¹Dawan dakah, muih uhuswa kidika yang nikingkauh yamnin ridi kalalahwa kidika;

⁶²waihkila balna yul mahni yuyulwa kidika, awar bitik yakat nikingkauh manah yuyulwi.

⁶³¡Talah witingna di balna yayamwabitik kidika yakat yang akat sarahni yayamwi!

⁶⁴Dawan, witingna minitna diatah, witingna ais yayamna kidikakaput minitna diatah.

⁶⁵Witingna di amanglanin kidikadadasni yamtah, blisin dutni kidika witingna minitna yakat diatah.

⁶⁶Dawan, diuita yawah, annam parasni kidika karuk, ¡yamtang kat adika sauni kaupak didiswang!