Read Mayangna Lamentaciones 4 Bible Online

Lamentaciones 4 - Mayangna bible

Lamentaciones 4

¹¡Amput gol kidika pukni kalnayah! ¡Gol tanit yamni kidika ampatyaringni disna yah! ¡Pa bangni balna bitik yakatruhwi kiuna holi pāni kinipala balna dai kidika!

²Sayan muihni balna kidika, dalani ditatalwadai, witingna golnina minit duwadai kidika, waradika laih tatalwi sau suba as kapat sau kau di yamyang muihni as yamna kapat.

³Sul yayal wail kidika bik tani sūnin diawi dawak walanibis dibinina kidika ta bayahwi, kaunah yang tawanki, tawan tatuna nuhni kidikalaih kulnin dutni ki, sihm dutni ki, uhu nuhni kauhmak wanilang kaukapat ki.

⁴Muih binina ta suyang balna kidikadinitna buhlawi tunina kidika duranina yakat birwi. Muihbinina kidika di kasnin yuyulwi, kaunah muih as bik diski kalanin.

⁵Muhnilau di manas kakaswadai kidika, waradika laih ta pasyakat yuh dadauwi. Di yayamni yaksisihni pasyakat bararakna kidika, waradika laih yalalahwi bubuh pāni yakat.

⁶Yang tawanki tawanni nuhni dutni kidika kidika laih tanit nuhni ki Sodoma dutni yamna kidika karak dawakat, kidika laih minit as kat dispamna muih as bik niningyakat kalahwikalbauwas kaunah.

⁷Ahal walwi yakna balna kidika, mukus karak dawak tanit pipihni dai tāwas karak tanit pipihni dai; witing muihni nuhni kidika coral karak tanit pauni dai; dawak muihni kidika laih tanit nuhni yaksihn dai, kipala sangni karak dawakat.

⁸Kaunah waralaih tanit pukni ki,pukta karak dawakat; ta pas yakat muih as bik amangnilawas karang. Unitak kidika wakalni balna yakat birki, ¡buhni ki sihm kuh panan kapat!

⁹Kalbauwi dadauna balna kidikakauh tanit yamni ki yuh wauhwi dadauna balnakidika karak dawakat, kat kidika balna laih tani tanidadauna bahang sau di minik yakwa balna kidikadis dawakat.

¹⁰Witingna silp tingnina kau, yayal kulninna yamni balna dai kidikawalaninabis lalahna; witingna silp walaninabis kidikakasninna yayamna yang tawanki tawanni nuhni kidikadaukalpamna mani kat.

¹¹Dawan kulnin daukalna kidika dahn kalna, kulnin daukalna kidika uluhwi dapamna; dawak Sayan yakat kuh kau pakwi dahlna dawak rahni taihwa sau paskau kidikabitik laih busna.

¹²Sau kingni balna, di kaput kalahwarang kidikakukulwasdai, sau akat king kawa balna bitik kidika waihla kidika, Jerusalén dūrni munah kawarang kidika.

¹³¡Pranipit balna dutni yayamna kidika yulni, sumalniyang balna dutni yayamna kidika yulni, kidika sihm tawanni nuhni pasyakat muih dutni yayamwas balna ānina ututuhna!

¹⁴Lapapakwi pini, sihm miniknapa dis balna kapat, tawan nuhni tanipas balna yakat; maisihni ā manah bangki praknina kidika muih as bik laihwas ki.

¹⁵Sarahwi diyuyulwi: “¡Islawanauh, islawanauh; kidika laih muih maisihni balna ki, lalaihwinih!” “Kidika laih pini watyang balna, kalahwi kikirana —kaput yuyulwi Dawan dis muihni balna kidika—, sip-awaski, ban akat yalahnin.”

¹⁶Dawan muhni tani kaupak, pini kalruruhna, dawak watwi bik wiryaklawi ditalwas dana. Sumalyang balna risninapik bik dis dana dawak muihbararak balna yakat bikminiknakun talnin dis dana.

¹⁷Miniknapa disuh dana kaunah, yakat ban tatalna, di dauh kaunah ban tahadi. Kaiwarang kidika yulni tahadi tawan as witing sip laihwi yaknin duwaskarang kidika.

¹⁸Angkat lapaktik yawayangna kidika yakatmanah tatalwi; sip-awaski ta pas yakat alahwinikna kidika. Daunin kidika ulis dana, awarni kidika kaiwi kana; ¡madaunik kidika kaiwi kana!

¹⁹Tanit parasni kikiri kisang kauyakalnuh balna kidika karak dawakat kidika balna laih yanauhuiwi; asang balna munah yanauiwi aiwi, ¡kauhmak wanilang yakat yanalaihnin dinimalni yakat ahawi!

²⁰Kaunah, Dawan yaklauwi walwi yaknamuihni dai kidika bukna ki, sangkinaka yakat wingkinatayanawadai kidika, kidika kingni yultayangna dai kidika: “Witing dinit sanni yakat yalahtanaki, tawan balna pasyakat.”

²¹¡Arah, alasna awah, Edom ninisan; man laih Uz sauni yakat king āwaman kidika! ¡Man yakat bik sihm dinin tapahlni kidika kiwarang, dawak wasakdauta, wahdis bik dama!

²²Sayan tawanni nuhni, man wah dutaman kidika dahn kalna ki; Dawan yaklauwi watwi pama kaupakmayakwas karang. Kaunah dutni yamnaman kidika laihwah mawarang, Edom ninisan, dawak dutni yamnaman balna kidikabitik lāih yakwarang.