Read Mayangna Lamentaciones 5 Bible Online

Lamentaciones 5 - Mayangna bible

Lamentaciones 5

¹Dawan, ismangkatta, yangna yakat yanakalahna kidika; yanatalah, ampat yanauhuswih.

²Yangna dikina balna bitik dai kidika warmani tringsar balna tingnina yakat ki; waralaih ūkina balna kidikatringsar balna duduna.

³Warau yangna, papang dis; yangna nanangkina balna laih tingmak kapat ki.

⁴¡Yangna silp waskina dai kidikabakantik dinikna ki; yangna silp kuhkina dai kidikabakantik binikna ki!

⁵Dininamak yakat pan ilwi sisitna; yanasuhna, kaunah yanadawak yakurupdas yangna.

⁶Di kastiningkat yanabung kalnin kat, tingkina yunikna ki Egipto muihni balna dawak asirio muihni balna yakat.

⁷Yangna papangkina balna kidika dutni yayamna, kauna witingna uman diski, dawak yangna witingna pātnina balna kidikatruktayangna.

⁸Waradika laih muih dinina yamyang balna dai kidika yaklauwi yanatataihwi, dawak muih as bik diski, kidika balna tingnina kaupak yanalaihwi yaknin.

⁹Kasnikna kidika yaktayangna, sangkinaka kidika yamadangni yakat atik kat kauhmak wanilang kau kalbauyang balnabangkidika karang bik.

¹⁰Ukinatak kidika laih daihwi sihm plawar busnin pāni kidika kapat, yamah yanabuswa kidika yulni yuh bik dautayangna.

¹¹Sayan yakat dawak Judá tawanni nunuhni balna yakat yayal dawak walabis yayal balna kidikabik laihwi dutni diyayamna.

¹²Takina tuna balna kidika yakat laihwi panting kau tingnina yakatsitwi mur'ihilna, muihbararak balna kidika risninapikdiayawas ki.

¹³Muih ahal tanit pararasni balna kidikapapakwak kiwatak titikna; wawahma balna kidika laih kuh truknin papakna.

¹⁴Tawan nuhni yakat muihbararak balna kidika diski; wawahma balna unbabauwak dakadaski.

¹⁵Isingna yakat alasna kidika diski; alasna dutik ubutayangna dai kidikabik dahnkalna kulnin bukna yakat.

¹⁶Tunakina kaupak kraunkina kidika bukna; ¡alakaih yangna, dutni yamnayangna kidika!

¹⁷Kidika bahang putkina minik kidika siknis duwi; kidika bahang miknapa pukni kalwi.

¹⁸Sayan asangni kidika laihdaukalwi bahwi uhna as ki; kidika yakat wassala yayal balna kidika uiwi aiwi ahawi.

¹⁹Kaunah, Dawan man laih ban king āwaman; ¡trunma yakat nining ban kaput sak-awama!

²⁰¿Ampadawak ban kaput damatkahwarang yahyangna adika? ¿Ampadawak yanaruhta damayah, ma mahni?

²¹¡Dawan, yanayamtang man yakat nawattanakuh, bahang nawattik aiwanaki! ¡Yamtang kat sangkinaka kidikamuhnilau dai kapat dawang!

²²Kaunah man laih bitik palni yanaruhta danaman; yangna nikingna yakat kulnam daukalna kidika nuhni palni ki.