Read Mayangna Ezequiel 15 Bible Online

Ezequiel 15 - Mayangna bible

Ezequiel 15

¹Papang, yang yakat kiwi yayulna:

²“¿Angdika tanit yamni yah, wain panani saran kidika, kidika-awas kat pan as balna kidika?

³Panani saran manah kidika ilp diski. ¡Prak alahnin dini kidika bik yamnin sip-awas ki!

⁴Ilp diski, kauna kuh binina manah laih. Dawak sutni balna kidika yakat kuh buswakat, bani papus kidika laih kuhusmak manah ki, ¿Ais as ilp yah?

⁵Karauni kauna sakdai yakat ilp as dis dai, ¡waralaih kau kuihwas ki busyamna kidika, sipyah di as ilp atnin!

⁶“Kidika bahang, yang, Papangyang kat yultayang: Wain panani manah kuh yakat ruhm'ahawa kapat busna atnin, sihm kaput bik, Jerusalén muihni balna kidika kuh yakat ruhm'āna awaki.

⁷Yang, witingna waihninala alahwaki. Kuhpau as kau sip karang kiri yaklanin, kauna kuhpau ūk kidika yaklauwi busna karang. Yang witingna waihninala alahwaki kat, manna amangkilatanama, yang adika Papangyang.

⁸Saumana kidika, walang kauhnimak yamna awaki, yang yulki kat yamtas mana dai bahang, yang, Papangyang kat yultayang.”