Read Mayangna Ezequiel 2 Bible Online

Ezequiel 2 - Mayangna bible

Ezequiel 2

¹Usnit kat muih dinit as dakanayang bahang yayulna: “Man, muih,[5] kalma kau lawah, yul mabauki ki.”

²Kidika yayulwa minitni yakat, yang muihki yakat yalaihna dai Papang parasni kidika, dawak yayamwakat kalki kau lawanayang. Kaput laih dakanayang dinit yayulwa kidika

³ban yayulwa sakdai: “Man, muih al, masihkiki Israel pasyakat, tawan as muih dutni yang niking kauh yaklauna kidika. Witingna dawak muihnina bararak balna kau bik, dawak warmani kat bik.

⁴Walaninabis balna bik dudutni ki, tunanina dadasni. Bahang kidika balna yakat masihki ki di yulna atnam aput: ‘Adika Papang yulwi.’

⁵Yulna dakakawarang pa, kidika awaskat dakakawas karang pa, kat muih dudutni balna ki, witingna amanglalawarang ki witingna pasyakat prapit as likkidika.

⁶Man, muih al, witingna yakat yamanina duwinih, dawak ais mayuyulwarang kidika bik kulwinih, man muihma kidika wakal manah ma-awaihdak kapat kaldakama, kidika awaskat wakurus pasyakat sakman kapat kaldakama bik. Yamaduwinih mayuyulwarang kidika bik, dawak witingna muhnina ampat yayamwarang bik, dawak muih tanit dudutni karang bik.

⁷Man, yang yulki balna kidika diyultah, dakakawarang kidika awaskat dakakawas karang bik, kat uba muih dudutni bahang.

⁸Yang mayultayang kidika yamni dakah, man bik muih dutni atnah witingna kapat. Tamapas wakahta, dawak di maki kidika kastah.”

⁹Kaput laih ting as yang nikingyak yuwakat talnayang, kidika laih wauhtaya ulwi tulna as duaina dai.

¹⁰Tingni kau laihwi kurna tulna dai kidika. Muhni nabupak laih ulna dai bahang kidika laih kaidinin dini, dawak dalani wauhnin dini, kaput bik laih maniking kau dutni maiyamnin dini kidika ulna dai.