Read Mayangna Oseas 3 Bible Online

Oseas 3 - Mayangna bible

Oseas 3

¹Papang yaklauwi watwi yayulna: “Yawa yal as dalani kaltalah, al ūk yaklauwi dalani kaltalna yalni yakat, dawak bik al suhlsuhl muihni kat. Papang kidika kapat dalani talwi Israel yakat, witingna dawan dauh balna yakat wiryaklalawi, dawak bik kidika kasnin kaupak kakaswa kauna”.

²Kaput laih yal as dunayang, lalah dadasni salap minitkau singka minit, dawak cebada batal andat bas minit kau muih as luih as minit kau salap.

³Kalyulnayang: “Ma mahni laih yang diki awama; ahal ūk karak kalpakwinih, dawak yang bik man namang yakat barangni awaki”.[11]

⁴Ma mahni laih Israel balna kidika bangkarang king dis, dawak tunan muihni dis, sakripais bik yayamwas karang, sumalyang nunuhni balna praknina nuhni[12] bik dis karang, kaput bik dawan dauh bik dis karang witingna pasningna yakat.

⁵Adika usnit kat, Israel balna kidika nawatwi aiwarang, dawak Papangnina wawalwarang, kaput bik kingnina Devid bik wawalwarang. Mani witni balna yakat, Papangnina yakat aiwarang, di yamni diawa bahang.