Read Mayangna Oseas 8 Bible Online

Oseas 8 - Mayangna bible

Oseas 8

¹“Man trummapit kidika puhta, sihm, makau kilwi maintalwa,[25] kapat Papang tawanni minit yakat. Kat yang prakimis kat yayamwa dadana dawak sumalnayang niningyakat yaklalauna.

²Kaput kauna, yang akat sarahwīna aiwi: ‘¡Man kidika amangmaladi, Israel Papangni man!’[26]

³Kauna Israel laih di yamni kidika ruhmwi dana, kidika bahang, waihnila balna kidik uiwi aiwarang ki.

⁴“Yang akat yadakawas dawi king balna ahana, dawak tunan muihni balna bik ahana yang talasyang kat. Witingna lalahnina, golnina balna kidika duduna dawan dauh balna wayani yamnin, kaput yamwi witingna alas kaldaukakalna.

⁵¡Kulnin daukalwi, turuh wayani yakat mamat yultaman kidika manna Samaria muihni balna! Yang kulnik daukalna kidika laih witing niningyakat ki. ¿Ampus tahawarang yang maisihni dis kalahna atnin

⁶Israel balna kidika?[27] ¡Samaria kau turuh wayani sakkidika Papang-awas ki! Muih yaklauwi yamna bahang bahwi dis dawarang ki.

⁷Witingna wing dadahna bahang, bahang wing bauwa minik babahwarang; yamak dis karang di minik bahnin, dawak plawar minik bik yayakwas karang, witingna yayakwarang kat, muih ūk manah kakasna karang.

⁸¡Israel laih kaldapamki! Sau ūk muihni balna kidika kaltalwi di as minit dis kapat.

⁹Asiria nining yakat kiuna bahang, sihm asangpas biriniku kapat. ¡Efraín laih minitdis kalanin dini diana witing yaksinh talwa muihni balna kidika bakanna atnin!

¹⁰Kaunah prisant diawarang karang bik nisan balna yakat, yang lawik kalating ruhna karang, ma as kat king balna dawak tunan muihni balna kalalahwa kidika diswarang.[28]

¹¹“Ais yamwi Efraín kidika sakripais busnin pāni kidika manas yamwih, kidika laih witing nining yakat dutni yamnin dini manah ki.

¹²Witing dini manas ulnayang, yang sumalnayang balna kidika, witing nining yakat laih di as taldas dini kapat dai.

¹³Witingna laih sakripais kidika dukih diawi, bahang bubuswi kaunah yang Papangyang laih isinglak awaski, witingna yakat: isningna pakna awaki witingna dutni yayamna dai kidika, dawakat wah diana awaki, dutni yayamna kidika yulni wattik aiting kat Egipto yakat uiwarang.

¹⁴Israel kidika ū nunuhni yamwi, kauna witing kalyamna muihni kidika yakat laih dinitkahna. Judá kidika tawan nunuhni pararasni manas yamwi, kauna yang lawik kalating kat kuh kau busna karang uni nunuhni balna kidika.”