Read Mayangna Números 29 Bible Online

Números 29 - Mayangna bible

Números 29

¹“Waiku tiaskaubu laihwak, ma tatuna yakat kaluduhnin holi as dutanama. Kidika mani wark as bik yamtas awanama, bahang kidika trumpit puhta muih balna yakat isningna paktanama.

²Sakripais walapni yamni as bustanama Dawan, sakripais bustanama kidika turuh almuk as, sīp almuk as, dawakat sīp tiaskaubu kurih as lalaihna kidika dawakat wayakani dis

³dawakat minitdis kalanin dini, plawar disala karak bahawi laihna kidika laih kilo tiaskauas karang, turuh almuk as yakat, sīp almuk yakat laih plawar kilo arungka karang

⁴dawak sīp as kidika laih plawar kilo bu karang.

⁵Kuts as bik sakripais yayamna karang, dutnina dawak disnin yulni,

⁶waiku bani, sakripais bubuswa pasyakat, dawakat sakripais ma bani bubuswa kidika minit yakat, plawar bik, wain bik Papang yamnin yulwa kaput. Adika sakripais laih walapni yamni as busna karang Dawan ayangni kau.

⁷“Waiku tiaskaubu kidika ma salap yakat, kaluduhna holi as dutanama. Kidika mani di kastas awanama, dawak wark as bik yamtas awanama.

⁸Sakripais walapni as bustanama Dawan yakat, turuh almuk as sīp almuk as, dawakat sīp tiaskaubu, kurih as la laihna kidika wayakani as bik dis kat.

⁹Plawar disala karak āwi laihna kidika laih kilo tiaskauas karang turuh almuk as yakat, kilo arungka karang plawar sīp almuk as yakat,

¹⁰dawak plawar kilo bu karang sīp aslah kaput libitna karang.

¹¹Kuts as bik sakripais yayamna karang, dutni dawak disnin yulni, dutni dawak disnin mani sakripais yayamwa minit yakat ūk karang, adika sakripais laih, kaput bik minit yakat minitdis kalanin di minik balna wain bik libitna karang.

¹²“Waiku tiaskaubu, kidika kaupak ma salap minitkau singka yakat manna kaluduhnin holi as yamtanama. Kidika mani wark as bik yamtas awanama. Ma tiaskaubu alasna dutanama, Dawan ayangni nuhni kau duta.

¹³Ma tatuna[25] yakat sakripais karauni walapni kapat turuh ahalmuk wawahma 13, sīp ahalmuk bu, dawakat sīp kurih as lalaihna kidika 14 sakakahwa awaskat Dawan yakat busta kalatanama.

¹⁴Minit dis kalanin diwi plawar kidika bik, kilo tiaskauas karangki, disala yamni āwi laihna kidika, turuh as kidika kaput bahana karangki plawar, sīp almuk as yakat plawar kilo arungka libitna karangki, dawakat,

¹⁵kilo bu karangki plawar, sīp as yakat.

¹⁶Ma bitik yakat sakripais bubuswa kidika minit yakat, kuts as sakripais bubuswarang, witingna dutnina dawak disnin yulni.

¹⁷“Ma bu yakat laih, turuh ahalmuk salap minitkau bu duahaina karang, sīp ahalmuk bu, dawakat sīp 14, kurih as lalaihna balna kidika sakahwa awaskat.

¹⁸Kidika minit yakat minitdis kalanin dini, diminik balna duahaina karang, dawakat wain bik duahaiwarang, turuh ahalmuk ampus kat kaput duahaiwarang diminik balna, dawakat wain bik ampus kat kaput sīp ahalmuk balna kidika duahaina karang, Papang yaklauwi yamnin pakna kaput.

¹⁹Ma bani walapni bubuswa kidika pasyakat kuts as sakripais yayamna karang dutnina dawak disnin yulni.

²⁰“Ma bās yakat laih, turuh ahalmuk salap minitkau as duahaiwarang, sīp ahalmuk bu, dawakat sīp salap minitkau arungka kurih as lalaihna kidika, sakahwa awas kat.

²¹Kidika minit yakat duahaina karang, di minik, wain, turuh ahalmuk, sīp ahalmuk, dawakat sīp kurih as lalaihna kidika balna bitik ampus kat, kaput duahaina karang di minit, wain kidika, Papang yamnin pakna kaput.

²²Ma bani walapni bubuswa kidika pasyakat, kuts as sakripais yayamna karang, dutnina dawak disnin yulni.

²³“Ma arungka yakat, turuh salap duahaina karang, sīp ahalmuk bu, dawakat sīp kurih as lalaihna kidika, salap minitkau arungka, sakahwa awas kat.

²⁴Kidika minit yakat, minit dis kalanin diwi, di minik balna wain duahaina karang, turuh almuk, sīp almuk, dawakat sīp kurih as lalaihna balna kidika bitik ampus kat di minik, wain kidika bik kaput duahaiwarang, Papang yamnin yulna kaput.

²⁵Ma bani walapni bubuswa pasyakat, kuts as sakripais yayamwarang dutnina dawak disnin yulni.

²⁶“Ma singka yakat duahaina karang, turuh ahalmuk tiaskauarungka, sīp ahalmuk bu, dawakat, sīp kurih as lalaihna kidika salap minitkau arungka, sakahwa awas kat.

²⁷Baisa minit yakat, minit dis kalanin dini, diminik balna dawi, wain bik duahaiwarang, turuh, sīp balna kidika ampus duahaina kat, kaput duahaina karang diminik balna bik, Papang yamnin yulna kaput.

²⁸Ma bani walapni bubuswa pasyakat, baisa minit yakat kuts as sakripais yayamna karang, dutnina dawak disnin yulni.

²⁹“Ma tiaskauas yakat turuh wawahma tiaskaubās duahaiwarang, sīp ahalmuk bu, dawakat, sīp salap minitkau arungka, kurih as laihna kidika, sakahwa awaskat.

³⁰Kidika minit yakat, minit dis kalanin dini, di minik balna, dawakat wain bik duahaina karang, turuh, sīp kidika balna ampus duahaina kat, kaput diminik balna bik duahaina karang, Papang yamnin yulna kaput.

³¹Ma bani walapni bubuswa minit yakat, kuts as sakripais yayamwarang, dutnina disnin yulni.

³²“Ma tiaskaubu yakat, turuh ahalmuk tiaskaubu duahaiwarang, sīp ahalmuk bu, dawakat, sīp salap minitkau, kurih as lalaihna kidika, sakahwa awas kat.

³³Kidika minit yakat, minit dis kalanin dini, diminik balna dawi wain bik duahaina karang, turuh, sīp balna kidika amput kat, diminik balna bik kaput duahaina karang, Papang yamnin yulna kaput.

³⁴Kuts as sakripais yayamna karang, dutnina dawak disna atnin yulni, witingna ma bani walapni bubuswa minit yakat, ūk karang adika kuts iwi sakripais yayamwarang kidika.

³⁵“Ma tiaskaubās yakat kaluduhnin as yamtanama, muih bitik kalududuhwarang alasna nuhni karak, kidika mani wark as bik yamtas awanama.

³⁶Walapni yamni as bustanama Dawan dini, turuh almuk as, sīp almuk as, dawakat sīp almuk as, dawakat, sīp tiaskaubu kurih as la laihna kidika, sakahwa awaskat.

³⁷Kidika minityakat, minitdis kalanin dini kidika duaitanama, di minik balna, dawakat wain bik, turuh, sīp duaitanama kidika libitwi busna atnin, Papang yamnin yulna kaput.

³⁸Ma bani walapni bubuswa minit yakat, kuts as sakripais yayamna karang, dutnina dawak disna atnin yulni.

³⁹“Adika sakripais balna yamtanamaki, Dawan yakat mani āna balna yakat; manna sakripais yamtamana karang bik kidika laih silp, ūk karangki.”

⁴⁰Dawakat, Moses yaklauwi diyulna dai Israel balna yakat, Dawan ais yamnin yulna kidika bitik.