Read Mayangna Números 34 Bible Online

Números 34 - Mayangna bible

Números 34

¹Dawan yaklauwi Moses yakat kiwi aput kalyulna dai:

²“Israel balna yakat diyulta amput yayamwarang kidika: Tihn dawakat Canaán yakat awanama ki. Adika sauni laih manna dimana karangki dawakat, kung kiwi watwa kidika laih adika karang ki:

³“Wadah nining kauh laih kiwi watwarang ki Zin kauhnimak wanilang, Edom sauni yakat. Ma kilwa nining kauh laih Kuma Dauna kat kiwi watwarang,

⁴kidika kaupak wadah nining yakat awaihwi kiwi Acrabim kilwa kat kiwi watwarang, dawakat Zin munah bayakwi kiwi Cades-barnea kat kiwi kawarang; kidika kaupak bayakwi Hasar-adar munah bayakwi Asmón kat kiwarang,

⁵dawakat Asmón kaupak bayakwi kiwi was as Egipto sauni kiwi watwa kau tuskidika, dawakat kiwi watwarang Mediterráneo kumani kat.

⁶“Ma kawa niningkauh laih, Mediterráneo kumani kung yakat kiwi watwarang.

⁷“Tingpal nining yakauh laih, Mediterráneo kumani kaupak Hor asangni kat karang,

⁸Hor asangni kaupak Hamat kiwi kawa kat karang, kidika kaupak bayakwi kiwi Zedad kat kiwarang.

⁹Zedad kaupak Zifrón kat, dawakat diwi watwarang kidika Hazar-enán kat.

¹⁰“Ma kilwa niningkauh laih Hazar-enán kaupak Sefam kat kiwarang,

¹¹dawakat Sefam kaupak Ribla kat, Aín makilwa niningkauh yakat; kidika kaupak laih Cineret lakunni makilwa niningkau yakat,

¹²dawakat Jordán wasni munah Kuma Dauna kat kiwi watwarang.”

¹³Moses yaklauwi diyulna amput yamnin kidika Israel balna yakat: “Adika sauni kuduh sahyakta dutamana adika sauni kuduh Dawan yaklauwi diana atnin yulna Israel sulani tiaskau arungka minit kau papusbah balna yakat,

¹⁴sulani bu minitkau papusbah kidika, yuldarang kat, Rubén, Gad dawakat Manasés papuswayah kidika, saunina uman duduna, witingna dunin dai kidika, Jericó muhnit kau, Jordán kaupak ma kulwa niningkauh.”

¹⁶Dawan yaklauwi Moses yakat kiwi aput kalyulna:

¹⁷“Manna pasmangna yakat sau sahwi yayakwarang kidika laih, sumalyang Eleazar, dawakat Nun walanibis Josué karak sahwi yayakwarang.

¹⁸Kaunah kidika minit yakat, yultanang aiwarang, sulani bitik paskau tunan duwa balna kidika bik, ban kalpakwi sau kidika sahwi yayakwarang.

¹⁹Ahalni balna yultanang aiwarang kidika laih adika balna: “Judá sulani pasyakat: Caleb Jefone walanibis.

²⁰“Simeón sulani yakat laih: Semuel, Amiud walanibis.

²¹“Benjamín sulani pasyak laih: Elidad, Quislón walanibis.

²²“Dan sulani pasyakat laih: Buqui, Jogli walanibis.

²³“José walanibis balna sulanina yakat laih: Haniel, Efod walanibis, Manasés sulani yakat laih;

²⁴tanituna Kemuel dawakat Efraín sulani nining yakat laih, Siftán walanibis.

²⁵“Zabulón sulani pasyakat laih: Elizafán, Parnac walanibis.

²⁶“Isacar sulani pasyakat laih: Paltiel, Azán walanibis.

²⁷“Aser sulani nining yakat laih: Ahiud, Selomi walanibis.

²⁸“Neftalí sulani nining yakat laih: Pedael, Amiud walanibis.”

²⁹Dawan yaklauwi adika muihni balna yakat dipakwa dai Canaán sauni kidika sahyakwi duna atnin Israel balna.