Read Mayangna Nahúm 2 Bible Online

Nahúm 2 - Mayangna bible

Nahúm 2

¹Nínive daukalyang muihni kidika man namang yakat kiwi. ¡Tamat daknin pāni balna yakat, main talnin muihni balna atah! ¡Tapas balna yakat bik atah! ¡Ismaparah kidika bamamak yakat pamni sittah! ¡Parasma balna bik uduhta dutah!

²Kat Papang yaklauwi watwi Jacob ayangni nuhni kidika dulauwarang ki dawak Israel ayangni bik, sihm tatuna kau dini balna dakyayakwasdai kapat, dawi sihm wain as tingnisut balna dis dadana kapat.

³Kalbauyang balna tanitna daknin dini kidika laih pauni ki. Dawak kalbauyang balna asnina kidika bik pauni ki. ¡Ridi bangki kalbaunin! Trukni balna kidika sihm kuhpau kapatki, aninaras balna[3] kidika miniknaratni ki.

⁴War trukni balna kidika tapas yakat parasni kikiri, muih kalududuhwa balna pāni yakat kiri awawaihwi, sihm awas dahlwa kapat, dawak sihm alwana lapwa kapat kiri bayayakwi.

⁵King, kalbauyang balna taninatuna yakat diyulwi, dawak witingna kalnina pakwak bubukwi daklana minit yakat kikirak, pasnina ānin uman ahana.

⁶Was murwa dutni balna kidika apahna, dawak king uni kidika sau yakat bukna.

⁷King yalni kidika laihwi sau ūk kau duwi uiwi; dini yamyang balna bik witing karak uiwi, sihm buhtuku kaida kapat kakaidi, dawak pasnina yakat bauwi kakaidi.

⁸Sihm was kidika, was susuntah sahna kat kira kapat, Nínive muihni balna kidika kikiri. “¡Wattanauh! ¡Nawatta aiwanauh!” Kaput yulwi disarahwi. Kauna muih as bik nawatwi kaiwas ki.

⁹¡Lalah balna maltanauh! ¡Gol balna maltanauh! ¡Nínive ritsni balna kidika saran dis ki!

¹⁰Bahwi dis dana, di dis kalna bahang Nínive laih kaput ki. Muih kulnin kidika laih yamadunin manah ki, kalasninamak balna kidika diyukwi, muih balna kidika bitik parasnina dis dana, dawak muhnina kidika ānina dis kalna.

¹¹¿Ais kalna yah layan pāni sulihni balna dai kidika, dawak layan walanibis balna panina dai kidika? Kidika pāni yakat muih as bik dutni yamwas kaldakakawa dai, layan dawi walanibis balna karak; di as bik bilninalaunin dini dis dai.

¹²Layan kidika kasnin laihwa dai, layan yal dawi walanibis binina yakat bik diawadai, dawak pāni sulihni yakat di malwi puwi buhng dana dai.

¹³Papang parasni nuhni bitik duwa kidika yulwi: “Akat man namangkauh lawayang: man wārma trukni balna kidika bitik buski ki, dawak wayau manah yamki, man walamabis binina kidika bitik iki; sauma kau malnin sakkidika dahn yamki, dawak baisa dakawas karang, yulma dukiwa muihni dinit kidika.”