Read Mayangna Zacarías 10 Bible Online

Zacarías 10 - Mayangna bible

Zacarías 10

¹Dawan yakat yultanauh, kalawak kurih wasni kidika lauwang, dawak Dawan yaklauwi alwana lapwa balna yamwa kidika, manas palni sihna karang, dawak bitik yakat kalawak dibasta ukusna karang yamak yakat.

²Alas manah ki, dawan dauh balna yulnina kidika, dawak sukiah balna tatalwa kidika bik alasmanah ki. Witingna kaikalahwa kau yuyulwa kidika amana manah tatalwi, sins as bik diski, ānin yulni balna kidika bik di as bik diski pāni manah. Kidika tawan muihni balna kidika pini awawaihwi tinglau kapat, dawak wawauhwi maintalyang as dis bahang.

³Kidika bahang Dawan yulwi: “Yang kulnik daukalna sumalyang balna niningna yakat, dawak wah diana awaki tawanki tunan duyang muihni balna yakat.” Dawan parasni nuhni bitik duwa kidika, witing sīpni balna maintalwi, Judá sulani balna kidika, witingna kidika yamna awaki kalbauyang aniras pararasni.

⁴Witingna kaupak kipala tatuna kidika kalahwarang, ū labanni sitnin panan uhukwa kidika dawak kalbaunin lasni. Witingna kaupak kalahwarang tunan muihni balna kidika.

⁵Witingna kidika kalbauyang balna kapat karang kalbabauwa yakat tapas kau wasmak kidika atatakwi; kalbabauwarang, kat Dawan kidika witingna karak bahang, dawak diayawak aras kilyang balna asalnina yayakwarang.

⁶Dawak yulwi: “Yang lawik parasnina diaki Judá sulani balna yakat dawak José sulani balna kidika laihtik yakki. Dawak taninatuna āwik duyawaki saunina kat, kat witingna kidika miniknakun talayang bahang. Yang lawik ruhmtik datasyang dai kapat kakalna karang, kat yang laih witingna Daninawan yang dawak Papangnina yang, witingna minitnayuyulwa kidika dakayang.

⁷Efraín kidika laih kalbauyang as kapat karang. Witing isning kidika alasna kalwarang, wain karak alasna kalahwa kapat, walaninabis balna kidika bik talwi alasna duduwarang. ¡Witingna isningna kidika alasna duwarang, Dawan kidika yulni!

⁸“Yang lawik manayultik manauduhki, kat manalaihtik yaknayang bahang. Watta mahni kaltanama ma ūk balna yakat dai mana kapat.

⁹Yang lawik manaruhnayang nisan balna pasyakat naikaupak kaunah, yang akat kultanama dawak mani askat nawatta aiwanama walamanabis balna karak.[10]

¹⁰Manayamtingkat Egipto kaupak aiwanama, dawak manaduaiki Asiria kaupak, dawak manaduyawaki Galaad yakat dawak Líbano yakat bik, dawak mahni palni karang, bahang pa bik diskarang.

¹¹Egipto[11] kumani kidika dakyaklalawarang, dawak lalamwa balna kidika dakna awaki. Nilo wasni kidika tuhni balna bitik kalating buhlakwarang, dawak Asiria witing manah kapat kaldakawa kidika bahtik disyamki dawak Egipto parasni kidika dahnyamki.

¹²Yang lawik parasni diaki, dawak kawi uiwarang yang ayangki kau. Yang, Dawanyang kat yulki kidika manatayang.”