Read Mayangna Zacarías 3 Bible Online

Zacarías 3 - Mayangna bible

Zacarías 3

¹Kidika usnit kat Dawan yaklauwi amana kapat kau nikingkana Josué, sumalyang nuhni kidika, witing kidika Dawan innisal muhni yakat yaklauna sakdai. Dawak Josué tingni palni niningyakat insal muih yulnina yulyang[3] kidika sakdai, bahang Josué yulni yakkuhti sakdai.

²Kaput laih Dawan innisal[4] kidika yaklauwi insal muih yulnina yulyang yakat kalyulna: “¡Dawan mabilwang! ¡Dawan witing Jerusalén yakat dalani talwa kidika, mabilwang! Kat adika alni laih kuh tuturni dahlwa kidika paskaupak yakna kapatki.”

³Josué kidika prakni maisihni kat kana sakdai, Dawan innisal muhni yakat yaklauna sakdai.

⁴Kaput laih innisal witing yaihnit kau tingnisut laihyang balna yakat diyulna, Josué prakni maisihni kidika yakna atnin. Usnit kat diyulna: “Talah kidika tanka laih man dutma balna kidika bitik yaknayang. ¡Waralaih paktingkat alasna yakat kiunin asnina kidika mahana karang!”

⁵Kidika usnitkat tingnisut laihyang balna yakat dipakna Josué tunan yakat asna maisihni dis kat sitnin. Dawak witingna yaklauwi sitwi kalalana, dawak alasna kau kiunin asnina kidika ahana, kidika yayamwak insal kidika laih yaklauna sakdai.

⁶Kidika usnit kat Dawan innisal kidika yaklauwi Josué yakat kalyulna:

⁷“Dawan parasni nuhni bitik duwa kidika yaklauwi aput yulwi: ‘Yang taki munah yawah, dawak man wark yamnin balna manayang kidika balna bitik yamtah. Man kaput yamma kat, yang ūki kidika man tingma yakat karang. Kidika maintalma dawak watakni kidika bik, dawak yang lawik pama as maki insal balna yang warkki yayamwa kidika pasyakat.

⁸Josué yamni dakah, man, sumalyang nuhni man kidika, dawak manna aslah mana kidika sumalyang balna manna bik dakanauh, manna bitik laih prapit sainni as kapat mana: Yang diki yamyang kidika duaiki, sulani kidika.

⁹Yang lawik ānayang Josué tanit yakat kipala as muhni tiaskaubu[5] kidika, dawak yang palni lawik kidika yakat ulna awaki. Usnitkat, ma aslah adika sauni dutni kidika bitik yakna awaki.

¹⁰Kidika mani kiwi kawak, manna biri lawa kaltalnama, dawak kulnin aslah kidika dutanama wainmana dawak animana damni panan balna dinit kau sanni yakat. Yang Dawan parasni nuhni bitik dutayang kidika yultayang.’ ”