Read Mayangna Deuteronomio 23 Bible Online

Deuteronomio 23 - Mayangna bible

Deuteronomio 23

¹“Muih al as suman'minik labanni karang, kidika awas kat muih al muihni kidika dakpapamna karang kat, Dawan muihni balna pasyakat atnin sip awas karang.

²“Bastar walanbis as kidika, papang tawanni muihni dawi pasyakat bik dunin sip awas karang, adika lani kidika ban kukulna karang, sulamana balna kau bik.

³“Amonita dawi moabita kaupak balna kidika bik Dawan tawanni dawi pas yakat bik kanin sip awas karang, adika lani sulamana balna aiwarang kau bik ban kalkulna karang,

⁴kat manna, kidika balna saunina munah bayakna mana mani, was kat bik mananawas dai bahang, Egipto kaupak alahwa aiwanamana mani, witingna di kama bik mananawas dai bahang; kidika minit yakat, Beor walanbis al balaam, petor mesopotamia kaupak kaiwa dai yakat, lalah lauwi kalalana dai manna mamatna yakat pāt nuhni laknin yulni.

⁵Kaput dai kaunah, manna papangmana yaklauwi Balaam yulni dakawasdai, manna mamatna yakat yamnin mana yamna, kat yakat dalani matatalwa yulni.

⁶kidika bahang manna sangmanaka bitik pas yakat, witingna yakat kulnin sanni dawi witingna kaupak di as yamni yaknin bik walnamna awaski.

⁷“Kaput ki kaunah, edomita sulani balna yakat laih dutni dikulnin awas ki, witingna kidika manna wanaihmana balna bahang, kaput bik Egipto muihni balna yakat bik dutni di kulnin awas ki, kat witingna saunina yakat bang mana dai bahang,

⁸manna sulamana balna bās kau tilahwi uiwarang bitik kidika, Dawan tawanni muihni balna kulna karang.

⁹“Manna waihmanala balna niningna kauh war yamnin bangmana yulni ū labanni yakat awana bangmana pas yakat, traitala di dutni as bik yamnin awas palni ki papang dutni kulna dini balna kidika yamnin awaski.

¹⁰Manna pasmangna kaupak, muih as maisihni likkat, amana kau witing wasni kalahwi kalsuihna kat, kidika ū labanni balna paskaupak kalahnin ki, watwi kiunin awaski, mapiris kaupak masan kat.

¹¹Mahka masan lakwa kat was kau kalsuhwi yakna karang dawi ma kawikiu dawak sip karang watwi kiwi kanin.

¹²“Adika muih al ahni kau kiunin want karang kat manna ū labanni kaupak nai kau pa as yaktanama bahang yakat kiuna karang.

¹³Pan subangni as duwarang dawi sau yakat kurwi dawi yakat balukwarang, usnit kat sau kau minit yakat mukwarang.

¹⁴Kat Dawan Papangmana kidika manna pasmangna yakat likkarang ki manna yakat tamatna dahwi minit bayaknin kidika manawarang bahang, kidika bahang manna ū labanni paknamana kidika, Dawan pāni as kulnamna karang kidika bahang kidika pāni yakat papang di as dutni talnin awaski, di dutni sak karang kat, manna kaupak mana dawi ahni yakat kalahwarang bahang

¹⁵“Warau as kidika daniwan kaupak dawi pini kiwi man yakat ū walwarang kat, man lawa laihta tatuna daniwan yakat kalanam awaski.

¹⁶Kaunah datangkat man karak watwarang, angdika tawanni yakat watnin kulwarangkat datang yakat watna karang muih as bik witing yakat uswas karang.

¹⁷“Israel tawanni pas kaupak muih al dawi yal as bik wayani dauh balna panina yakat uiwi di dutni yamnin kidika lani diski, ban muihni bakannin pāni yakat uinin awaski.

¹⁸Kidika bahang manna datanang kat, Dawan Papangmana ūni yakat pramis lalahni kidika diwi kiwi launin, al karak payahna kidika lalahni kau, kat kidika laih Dawan dutni talwa bahang.

¹⁹“Manna pasmangna kaupak, muih as bik wanaihni as kau lalah wayaki kalawa kidika yulni minitkau yakwi dunin, lalah manah awaski kaunah di ūk balna bik sihm kaput karang.

²⁰Pa ūk muihni kidika laih paktanang minit kau lauwi manawarang, di as wayaki kalatanama kidika, kaunah pa aslah mana yakat laih kaput yamnin awaski. Kaput laih Dawan Papangmana blisin manawarang sau manawarang yakat awa dutanama kat.

²¹“Manna papangmana kau di as pramis yamta mana kat, pranimis kidika laihwattas yamtanauh, kaunah yamtas awanama kat, Dawan Papangmana kidika yaklauwi manalaihna karang, bahang kaput laih manna pāt dutanama.

²²Kaunah manna pramis alahwa mana kat, manna dutmana yamta awanama Dawan muhni yakat,

²³kaunah manna kulnamna lani pramis alahwana kat, traitala ais pramis yamnamana yakat yamnam karang.

²⁴“Manna wanaihmana wainni yamak as kau awanama kat, minit ampus kasnin dukih mawa kidika kastanama, kaunah dutta ūma kau laih duta yawanam awaski,

²⁵manna wanaihmana planiwar dahna yanimak as kau awanama kat, tingmana kau daktanama kaunah isparah kau laih daknamna awaski.