Read Mayangna Efesus 3 Bible Online

Efesus 3 - Mayangna bible

Efesus 3

¹Kidika yulni yang, Pal, Krais Jisas yulni silak yakat yang, manna yamni atnamna yulni, ju balna awasmana kidika.

²Manna uman amanglanamna ki, Papang witing minikun talnin duwa kidika munah yapakna adika warkni yamnin,[5] manna ilpmana.

³Amana kau kapat munah nikingkana, Papang malni kau di yamwa balna kidika, yulni parahni uman manayulnayang kaput.

⁴Yulta talnama kat, amanglatanama yang amanglatayang kidika di malnikau Krais yamna balna kidika,

⁵ma bayakna balna yakat muih as yakat bik niningnakawasdai, kaunah waradika laih Papang yaklauwi lāih yakwi niningnakana aposnitel balna dawak pranipit balna yakat bik, witing Spiritni munah.

⁶Di malni kau kidika laih adika ki: yul wisamni yamni kidika munah Papang yaklauwi nisan balna bitik uinin yulwi Krais Jisas yakat, dawak prisantni sakkidika dunin, sihm muihni nuhni kidika, sihm pranimis yamna kidika Israel tawanni yakat.

⁷Dawak yang laih kidika yulni sumalnin warkni yana, Papang dalani lani duwa kidika munah yang nikingyakat, dawak kaput bik parasni nuhni kidika nikingkana.

⁸Yang laih dibin Papang tawanni muihni balna bitik niningna yakat; kaunah yang akat kidika yamni kidik yana ju awas balna yakat sumalnik, Krais ritsni balna mahni duwa kidika.

⁹Dawak yāpakna muih bitik yakat niningnakanik angdika Papang warknipa, di bitik yamyang kidika, tanit kaupak malni yakat duwadai kidika.

¹⁰Kaput laih waradika, suts munah, makau kisang parasni balna sipkarang amanglanin, Papang sinsni nuhni kidika, di satni kau yamwi kidika manikingkawa kidik.

¹¹Papang adika yamna, witing wark balna yamnin ridi yamna dai kidika, dawak Dawan Jisas Krais yakat yamna kidika.

¹²Dawak Krais yakat pri lani dudi, Papang yaihnit yakat kiunin, dawak mayang kasak kulda munah, witing yakat makulnik ādi duda munah.

¹³Kidika bahang manayultayang, kulnamna buknin awaski manna yulmana wauhtayang kidika yulni, kat adika laih manna namangna yakat rispik as ki.

¹⁴Adika yulni yang limbabahtayang Papang ki muhni yakat,[6]

¹⁵witing ayangni kidika walanibis balna bitik duduwi, makau kisang yakat dawak sau akat bik.

¹⁶Papang kau yultayang, witing alasnina yaksihni ritsni kidika manna kau manawang, kulnamna yakat, parasni kidik Papang Spiritni munah,

¹⁷dawak Krais kidika kulnamna yakat yalahwang, kasak kulnin munah, dawak dalani lani kidika rikni dawak rahni kaput kawang sangmanaka yakat. Manna bik rahni balna parasni pawatnamnaki yulni dalani lani kau.

¹⁸Dawak kaput laih amanglalawang tawan holi balna kidika bitik, Krais dalani lani duwa kidika ampus panuhni, naini, maluihni dawak tuhni kidika.

¹⁹Yultayang, kidika dalani lani amanglatanauh, kidika laih tanit nuhni ki, di ūk balna amangladarang karak dawakat, Papang amput kidika bitik amangladak maibuhng dawarang.

²⁰Dawak waralaih, Papang kidika alasnina yaksihni karang, dawak mayang yulda kidika dawak kulda kidika minitkau yamnin sipki, witing parasni mayang yakat kidika tingnikih karak.

²¹¡Alasnina yaksihni kidika Papang yakat, sutsni yakat dawak Krais Jisas kau bik, kurih andat andat balna bayakwarang yakat! Amén.