Read Mayangna Josué 16 Bible Online

Josué 16 - Mayangna bible

Josué 16

¹José sulani balna munah saunina diana dai kidika kuduh Jordán wasni ma kilwa nining kaupak tunan balna dai, kidika Jericó wasni balna nining yak, dawak kidi niningyak kiuna, kidika kidi Jericó asangni kaupak asang pa kiwa kidi Betel saitni yak.

²Betel kaupak, yuldarang kat Luz,[10] arquita balna saunina munah bayakwi Atarot kat;

³usnit yakat ma kawa nining yakat kiwa dai jafletita balna saunina munah, Bet-horón parah nining saunina lainni kat dawak Gezer kat. Kidika kaupak Mediterráneo kumani kat kalahkiuna.

⁴José sulani Manasés dawak Efraín sulani balna panina duduna dai kidika aput ki:

⁵Efraín sulani dakwi muihni balna saunina lainni dakwi lana kidika Atarot-adar ma kilwa nining kaupak Bet-horón langni niningyak dai.

⁶Kidika kaupak kalahwi kiwa kidika Mediterráneo kumani kat. Sauni lainni tingpal niningkauh kidika Micmetat, kidika kaupak sauni lainni ma kilwa nining Taanat-silo kat, kidika usnit yak Janoa munah bayaknin,

⁷dawak Atarot dawak Naarat yak yaklauwi, Jericó yak kiu'kawi dawak Jordán wasni yak kiu'kalahnin.

⁸Tapa kaupak sauni lainni kiwa kidika ma kawa munah lana, wasni wakarhni kat dawak Mediterráneo kumani kat. Adika sauni kidika Efraín sulani balna yak diana dai dawak witing sulani muihni balna yak sahwi yakna dai.

⁹Kaput bik tawan nunuhni balna dawak tawan binina as as Manasés sulani saunina pas yak bang dai kidika Efraín sulani balna yak diayana.

¹⁰Kaunah Efraín sulani balna laih Cananeo balna Gezer yakat yalalahwadai kidika kaupak kangwi yakmumukwasdai, kaunah witingna karak dadawak yalalahna witingna, di yayamwa kidi sau minit lalauna dai. Dawak warmani kat cananeo balna ban yakat yalalahwi.