Read Mayangna Josué 19 Bible Online

Josué 19 - Mayangna bible

Josué 19

¹Sauni pīsni ūk kidika laih Simeón sulani balna yakat bukna dai. Adika sauni laih Judá sulani balna sauni pas yak bukna dai,

²dawak kidika yak adika tawanni balna bang dai: Beerseba, Seba, Molada,

³Hazar-sual, Bala, Ezem,

⁴Eltolad, Betul, Horma,

⁵Siclag, Bet-marcabot, Hazar-susa,

⁶Bet-lebaot dawak Saruhén, bitik kau yak tawan 13, dawak tawanni binina kauna.

⁷Kidika minityakat En-rimón,[12] Eter dawi Asán tawanni binina bik dibukna dai,

⁸baisa Baalat-beer kau tawanni binina bangdai kidika bik, kidika Ramat tawanni Néguev niningyakat. Adika sauni balna Simeón sulani balna yakat dibukna dai.

⁹Simeón sulani balna pīsni as kidi Judá balna saunina pasyak bang dai, kat adika sulani balna kuduh sau pa nuhni palni duduwa dai bahang, kaput laih Simeón balna yak apis diana Judá balna saunina dai yakaupak.

¹⁰Sauni pīsni sahyakna bās yak kalbukna kidi laih Zabulón balna sulani sauni witingna saunina pīsni lainni kidika Sarid kat kiwadai,

¹¹ma kawa nining yak Marala kat kiwadai dawak Dabeset kat bayakwa dai dawi wasbin tuna kat dahn kalnin yulni Jocneam muhnit kat dai kidi.

¹²Sarid kaupak ma kilwa nining yak kiwadai Quislot-tabor kat dawak yakut bayakwa dai Daberat dawi Jafía kat kilwa dai.

¹³Yakaupak lainni kidi kiwa dai ma kilwa saitni yak Gat-hefer, yakaupak bayakwa dai Ita-cazín, dawak Rimón kat kiwadai, Nea munah bayakwa dai.

¹⁴Tingpal nining yak laih lainni kidika bayakwadai Hanatón ula awaih yaklawi dawi Jefte-el wasni tuna sau langni yakat kiwi kalahwa dai.

¹⁵Adika sauni pīsni yak tawan nunuhni 12 dawi yaihnit yak bik tawan binina bang dai, kidi balna pasyak Catat, Naalal, Simrón, Idala dawi Belén.

¹⁶Adika sauni pīsni kidi Zabulón sulani balna tawannina yakat di bukna, tawanni nunuhni balna dawak tawanni binina balna yak bik.

¹⁷Saunina pīsni sahwi yakna arungka kidika wais yak kalbukwarang pa talna atnin, kidika kalbukna dai, Isacar sulani balna yakat.

¹⁸Kidika saunina pasyak bik kana dai Jezreel, Quesulot, Sunem,

¹⁹Hafaraim, Sihón, Anaharat,

²⁰Rabit, Quisión, Abez,

²¹Remet, En-ganim, En-hada dawi Bet-pases.

²²Lainni kidika kiwa dai tabor kat, Sahazima dawi Bet-semes dawi Jordán wasni yak dan kalwa dai; tawanni balna bitik kau laih 16 dai dawi tawanni binina bik dai.

²³Adika sauni pīsni kidi Isacar sulani balna sauni tawanni balna kidi saunina di bukna dai.

²⁴Sauni pīsni singka kidi wais yak kalbukwapa talna atnin yamna yak kalbukna dai Aser sulani balna tawannina,

²⁵kaput bik Helcat, Halí, Betén, Acsaf,

²⁶Alamelec, Amad dawi Miseal, kaput laih ma kawa saitni yak Carmelo asangni dawi Sihor-libnat kat.

²⁷Ma kilwa saitni lainni kidi kiwadai tingpal saitni yakat Bet-dagón kat, Zabulón sulani balna saunina yakat kiwi sukdai, Jefte-el sauni langni kat, dawak Bet-emec, Neiel dawak kaput Cabul nining kat kiwadai,

²⁸kaput bik Abdón,[13] Rehob, Hamón dawi Caná bik kallaihwadai, Sidón tawanni nuhni kiwi kawa kat.

²⁹Kidika usnit yak sauni lainni kidi Ramá munah awaihwa dai dawi Tiro tawanni parasni nuhni kat bayakwa dai, kidi usnit yak Hosa dawi Mediterráneo kumani kat kalahwadai. Mahaleb,[14] Aczib,

³⁰Uma, Afec dawi Rehob, kidika balna bitik kat tawan nunuhni manah 22 dai yaihnit tawanni binina karuk.

³¹Adika sauni kidika Aser sulani balna tawannina yak di watna dai.

³²Sauni pīsni tiaskauas kidika wais yak kalbukwapa talna atnin yamna yak, Neftalí sulani balna tawanni yak di bukna dai.

³³Witingna saunina kidi Helef, Alón-saananim, Adami-neceb dawi Jabneel, kaupak Lacum kat kiwadai Jordán kat.

³⁴Ma kawa saitni yak lainni kidi Aznot-tabor dawi usnit yak Hucoc, munah, kaput laih wadah saitni munah bayakwadai Zabulón sulani balna saunina munah, dawak ma kawa saitni yak Aser sulani balna saunina munah, dawak ma kilwa saitni yak Neftalí sulani balna saunina munah Jordán kat kiwadai.

³⁵Tawan parasni duna balna kidika witingna yak di bukna dai kidika balna adika ki: Sidim, Zer, Hamat, Racat, Cineret,

³⁶Adama, Ramá, Hazor,

³⁷Cedes, Edrei, En-hazor,

³⁸Irón, Migdal-el, Horem, Bet-anat, dawi Bet-semes. Bitik palni yak 19 tawan nunuhni dawi tawan binina dai.

³⁹Adika sauni kidika Neftalí sulani balna duduna dai, tawanni nunuhni dawi binina bitik karak.

⁴⁰Sauni pīsni tiaskaubu kidika wais yak dibukwapa talna atnin yamna yak Dan sulani balna tawanni saunina di watwa dai.

⁴¹Adika sauni yak bangdai Zora, Estaol, Ir-semes,

⁴²Saalabín, Ajalón, Jetla,

⁴³Elón, Timnat, Ecrón,

⁴⁴Elteque, Gibetón, Baalat,

⁴⁵Jehud, Bene-berac, Gat-rimón,

⁴⁶Mejarcón dawi Racón, Jope muhnityak watwa sauni yakarak.

⁴⁷Kat adika sauni kidika dikuihwas dai bahang, Dan sulani balna kidika dikalbauna uiwadai Lesem tawanni yak, dawak kawi duduwadai muih balna bangdai kidika bitik kau imukna. Dawak kaput kuduh witingna kidika tawanni yak watwi yalalahwadai, kaput bik ayangni kidika satuk papakna dai, Dan papakna dai sulani balna tanit mani kau bangdai yakat kulwi.

⁴⁸Adika sauni pīsni kidika witingna yak di watna dai tawanni balna dawi pa binina bangdai kidika bitik kau Dan sulani balna yak,

⁴⁹Israelita balna sauni kidika sahwi yakwi duduna usnit yak sulani bani kau, Josué yak bik pīsni as kalawadai sulani balna ūk saunina pasyak.

⁵⁰Dawan yaklauwi yamnin kalyulna kaput, Timnat-sera tawanni nuhni bik diawadai, Efraín asangni pas yakat, kidi Josué yaklau dunin yulna dai kidika. Dawak Josué, witing yakat tawan nuhni yamwi yalahna dai.

⁵¹Adika sauni kidika sumalyang, Eleazar, Josué dawi tawan tatuna balna karak yayamwadai wais yakat dibukwarang pa talna atnin Israel sulani balna pasyak, Silo yak Dawan kai'kawak kalpakna atnin tani pasyak. Dawak kaput laih sau sahyakna kidika bitik duduna dai.