Read Mayangna Josué 7 Bible Online

Josué 7 - Mayangna bible

Josué 7

¹Kaunah Judá sulani balna paskaupak as dai, ayangni laih Acán, witing kidika Carmi walanbis dai dawak Zabdi mani, kaput bik laih Zara buhni dai, bahang witing daukalmuknin dini balna yakna dai kidika duduna, bahang kidika yulni Israel balna bitik yakat dutni dikulna dai, Dawan muhni tani yakat, kat witing yaklauwi di balna daukalmuknin atnadai kidika duna yulni. Kidika bahang Dawan kulnin daukalna kidika dahlna witingna niningna yakat.

²Josué Jericó kaupak ahal buas sihna dai Hai yakat, bahang kidika laih Betel kaupak ma kilwa nining yakat sakdai, Bet-avén yaihnit yakat; dipakna dai kidika sauni pīsni kidika lakwi talna atnin. Witingna uiwi Hai kidika lakwi tatalna dai,

³dawak nawatwi aiwi Josué yak kalyuyulna: “Tawan muihni balna bitik uiwi Hai niningkauh kalbaunin laih dini awaski, muih ahal tausin bu awaskat tausin bās kidika manah sip ki tawan nuhni kidika kawi dunin.”

⁴Kaput laih, muih ahal tausin bās kilwi uina Hai nining yak kalbaunin. Kaunah Hai muihni balna yaklau minitna bayayakwak kikirana dai;

⁵kaput laih muih ahal 36 dadauna dai Israel balna kidika, dawak ūk balna kidika, dawak ūk balna kidika tawan dūrni kaupak ū paknin kinipala yayakwa pāni kat uiwi duwi aina, dawak launi yaklakkiwa yak tuswi dadakna. Kidika yulni muih balna kulninna bukna dawak bik yamaduduna.

⁶Josué dawak Israel muihni bararak balna karak asnina biswi dawak sau yahamni tunanina yak uhuhna, dalani wawauhwa kidika sainni; kidika usnit yak Dawan lani baksni kidika muhnit tani yak sau kat bubukna masan kat.

⁷Dawak Josué yulwa dai: —¡Alakaih Dawan! ¿Ais yamta adika tawanni kalatang kat Jordán wasni kidika dakyaklalana yah? ¿Ais yangna adi amorreo balna tingnina yak yanaātang kat yana imukninna? ¡Baisa yamni kitdai Jordán nakas yakauh watnamayang kat!

⁸¡Alakaih Dawan! ¿Waralaih ais yulnik sip yah, Israel balna kidika waihninala nining kaupak sip awas dawi kikirana yulni?

⁹Cananeo muihni balna dawak kidika sauni pīsni yak muih ūk yalalahwa balna kidi amanglawarang kat ais kalahna balna kidika, dawak aslah kalpakwi maikalbauna karang, kaput laih as bik malawas karang, mayulki bik disna karang. Bahang, ¿kaput laih ais karang yah man ayangma nuhni kidika?

¹⁰Dawak Dawan yaklauwi nangnitlana: —Lawah. ¿Sau yakat ais yamta sakmahn?

¹¹Israel balna kidi dutni yayamna, yang witingna karak pramis yamna yang dai kidika daukalna. Di balna daukalmuknin dai kidika duduna; malwi duduna, witingna amanglalawa dai kaunah dutni yayamwa kidika, dawak dinina pas yakat āwi mamalna.

¹²Kidika bahang Israel balna witingna sip awas karang waihnila nining yakat. Witingna kirinin ki waihninala balna niningna kaupak, kat waralaih witingna silp daukalmuknin yakat wiryaklalana. Dawak manna sirihni daukalmuktas awanamakat, yang yulnayang kaput, baisa manna karak awas awaki.

¹³Man lawah dawak tawan muihni balna kidika yulta uduhta. Di yultah witingna ridi kakalwang yahan mani yang muhki tani akat aina atnin, kat yang kuduh Israel balna Daninawan dawi Papangnina, aput yultayang kidika: ‘Man Israel, di balna daukalmuknin dini dai kidika dunaman, bahang man daukalmuktas awama kat, dawak bik man kaupak naikau yakpamtas man kat, man sip waihmala balna niningna yakat lawas awama.’

¹⁴Yahan mani manna bitik yang muhki akat aiwanama, dawak angdika tawan yaktik yulki kat, kidika tawanni laih sulani balna kidika duaiwarang, dawak angdika sulani yaktik yulki kat, kidika sulani yaklauwi ahal yapak kat duaiwarang.

¹⁵Angdika muihni, daukalmuknin dini balna dai kidika duna karang kat, witing ūnipas kau walanibis balna dawak di duwa balna kidika bitik laih libitwi kuhkau busna karang, kat di dutni as yamna bahang Israel pasyakat, Dawan pranimis kat yamwas dana bahang.

¹⁶Payahwa kat mapiris palni, Josué yaklau sihna tawan balna tunina aslah yuyulwa kidika bitik uina atnin. Dawak Dawan yaklau niningkana dai Judá sulani balna yak.

¹⁷Kaput laih Josué yamwadai Judá sulani balna kidika Papang muhni yakat duwi kiuna, dawak Zara sulani balna kidika yakwadai. Dawak Zara balna paskaupak, Zabdi walanbis balna yakna.

¹⁸Dawak Zabdi walanibis balna paskau alnina balna kidik, as kalahwi yaihnit yakat uina, kaput laih Acán kidika yakna Carmi walanbis kidika laih Zabdi mani, dawak buhni, bahang kidika laih Judá tawanni balna tunina aslah yuyulwa kidika kaupak dai.

¹⁹Kaput dawak Josué yaklau Acán yak kalyulna: —Yang walakibis, risnipik kalatah dawak ayangni nuhni yamtah Israel balna Daninawan dawi Papangni yakat, kaput laih ais yamna man kidi yayultah; ¡niking kauh malwinih!

²⁰Dawak Acán biri nangnitlana: —Rahm kidika laih, yang yultayang Israel Daninawan dawi Papangnina niningyakat dutni yamnayang. Adika kuduh yang yamnayang kidika:

²¹Jericó yakat, di balna dunamayang balna bitik pasyakat, yang talnayang Babilonia asnina yaksihni as, dawak talnayang, lalah dadasni andat bu dawak gol panan as, tikini kilo as minit kau papusbah praisni as duwadai. Kidika dini balna dukih yana, bahang dunayang, bahang dini balna kidika laih ūki dinit yak nunayang, lalahni balna kidika laih pasyakau anayang.

²²Kidika usnit yak Josué yaklauwi muih ahal buas yakwi Acán ūni labanni yak sihna, witingna yayakwadai ais balna malna bangdai kidi bitik, lalah kidika laih dinit palni yak āna dai.

²³Dawak witingna duwi uina Josué dawak Israel balna muhnina yak bik, kidika dini balna kidi Dawan yak duwi uiwadai.

²⁴Usnit kat Acán kidika duwi uina Acor sauni langni yakat, dawak lalahni balna, asnina, golni, walanibis ahal dawak yayal, wark tuniruh balna, biriniku, sīpni balna, ūni labanni, dawak witing di duwa balna bitik duwi uina.

²⁵Josué yaklauwi kalyulna: —¿Ais yamta adika dini dutni yangna mikitna yakat duaina manh? Dawan yaklauwi yamwak man mamatyak bukna karangki yangna kau dutni duaina man kidika yulni. Kaput yulwi dawi, Israel balna bitik kau Acán yak kipala kau barhwi ihina walanibis balna bitik, dawak usnit yak kuh kau busna.

²⁶Kidika usnit kat witingna minitna yak kipala mahni palni mumukna, bahang kidika pāni warmani kat banki. Kidika yulni warmani kat ayangni duwi Acor[4] sauni langni, kaput laih Dawan annin kidika lungna dai Israel niningkauh.