Read Mayangna Hibru 4 Bible Online

Hibru 4 - Mayangna bible

Hibru 4

¹Kaput bahang, Papang, urupnin pāni duwa yakat kanin pramis yamna kidika baisa apis duda bahang, amungtalnin ki, sip awaski manna pasyakat as laihtas atnamna.

²Kat mayang dunamayang yul yamni sumalwa kidika, witingna bik sihm duduna; kaunah witingna dakakana kidika ilp as bik yakwas dadana, kat kasak kulnin karak kalududuhwasdai bahang, yul dakawi yayamna balna karak.

³Kaunah mayang laih kulnamayang bahang kidika urupnin pāni yakat mahawarang, Papang yulna kidika yakat: “Kidika yulni yang ayangki kauyaktik yulnayang kulnik daukalwak sip kakawaskarang urupdayang pāni yakat.” Kaput kaunah, Papang warkni kidika yamwi dana dai sau yamna kaupak;

⁴Ulna balna pasyakat yulwi kidika laih ma tiaskaubu: “Papang yakurupdana wark balna bitikyamwi dawi, ma tiaskaubu yakat.”

⁵Watwi Ulna yakat yulwi: “Kakawas karang urupdinik yakat.”

⁶Kaunah baisa buas ki urupnin pāni akat kanin kidika, yul dakakawas dai bahang sip kawas dadana tatuna sumamalwak dakakana kidika.

⁷Kidika bahang, Papang ma as āna sakki, “warmani” wisam as, adika yulwinah yamna, ma mahni bayakna yakat Devid yulna dai kidika yulni: “Warmani manna Papang yulwa kidika dakanama kat, ismangna dadasni yayamwinih.”

⁸Kat Josué yaklauwi urupnin kidika diana dai kat Israel balna yakat, Papang yulwas atnindai, ma ūk yakat.

⁹Kaput laih urupnin mani Papang dini kidika baisa as sakki, Papang tawanni dini;

¹⁰wais kat Papang urupnin yakat kāwa kidika, warkni kaupak bik dawi urupwi, sihm Papang warkni balna yamwi dawi urupna kapat.

¹¹Kaput bahang, wark parasni yamnin ki, kidika urupnin yakat kanin kat, kaput laih muih as bik kidika kukulwas muihni balna usnitna uinin awaski.

¹²Kat Papang yulni laih sangnika duwi dawak parasni bik duwi. Isparah anani nabupak baini duwa kidika karak tanit ki, masolki paskau dawak maspiritki kat kawi, muih muihni paskau kawi; dawak muih kulnin dawak isning yakat ais yamnin kulwa kidika bik lani yamwi.

¹³Papang di yamna balna kidika sip yakmaldaski witing niningyakat; bitik lāih ki, kaput bahang mayang yamnamayang kidika bitik witing yakat dudi mawarang ki.

¹⁴Jisas, Papang Walanibis, witing laih masumalkiyang nuhni ki, bahang witing makau kisang yakat kilwi kiuna. Kaput bahang kasak kulnin parasni duda kidika matakit yakat kiunin ki.

¹⁵Kat masumalkiyang nuhni kidika sipki mamikun maitalnin yudutni mayang adika, kat witing bik sihm mayang apat adika traini talnin yakat kana dai bahang; kaunah witing laih dutni as bik yamwasdai.

¹⁶Yaihnit yakat mawanang, makulnik yakat adi dudi Mapapangki kulnin dalani duda kidika yakat, kaput laih witing mayang akat mamikun maitalwarang, dawak kaput laih mayang di dukih mayawa mani yakat ilp mayawarang.