Read Mayangna Hibru 8 Bible Online

Hibru 8 - Mayangna bible

Hibru 8

¹Di tanit nuhni yuldadika laih mayang masumalkiyang nuhni kidika laih makau kisang yakat kilwi yalahna, Papang tronni tingni palni yakat,

²dawak sumalyang kapat warkni yamwi rahm holi pāni yakat, kidika laih Dawan yaklauwi yamna muih yamwaski.

³Sumalyang nunuhni balna bitik kidika laih pakna ki, minitdis dini dawak sakripais kidika bik yamwi kalana atnin, dawak kaput bahang Jisaskrais bik di as duwa atnin ki, duwi kiwi kalana atnin.

⁴Witing sau akat sakkatlaih, sumalyang bik atnin awaski, kat akat sumalyang balna bangki, Moses lāni kat minitdis dini duwi uiwa kidika.

⁵Kaunah adika sumalyang balna laih warknina yayamwi di balna kidika kau duwi, kidika laih wayani manah yayamwi, makau kisang kau sakkidika kaupak. Amangladi kidika laih kidika kaupak talwi yayamwi, kat Moses witing holi pāni as yamnin kulna, dawak Papang yaklauwi kalyulna: “Yamni talah, yang asang kaupak namangkaki kidika kaput yamma.”

⁶Kaunah mayang masumalkiyang nuhni witing warkni balna duna kidika laih tanit yamni ki, kidika laih aslah kalahna yamni as pasyakat kana, dawak kidika kuduh pramis yamni yamna kidika.

⁷Tatuna aslah kalahna kidika yamni dai kat laih, watwi aslah kalahna bu kidika yamnin awasdai.

⁸Kaunah Papang talna dai kidika muihni balna laih barangni awasdai,[3] bahang yulna: “Dawan yulwi: Mani balna kaiwarang aslah kalahnin wisam as yamki Israel dawak Judá kidika balna karak.

⁹Adika aslah kalahna laihmuihmanabararak balna yayamna kapat laih awas karang tingnina yakat laihnayang dai Egipto sauni kaupak yaknik yulni; dawak witingna kidika yang aslah kalahninyamnayang yakat yamwasdadana, bahang ruhmtik danayang, Dawan yulwi: Yang lāki balna kidikawitingna kulninna yakat āki dawak isningna yakat ulki. Yang witingna Papangnina awaki dawak witingna kidika yang tawanki balna karang.

¹⁰Aslah kalahnin Israel karak yamki kidika kidika mani balna usnit yakat, adika karang, Dawan yulwi: Yang lāki balna kidikawiting kulninna yakat āki witingna isningna yakat ulki. Yang witingna Papangnina awaki dawak witingna kidikayang tawanki balna karang.

¹¹Nid awas karang biri biri, pa aslah balna kidik awaskatkalwanaih karang bik biri birikalsumalnin Dawan yakat talyang kalahnin kidika, kat muih bitik amangkilalawarang bahang, dibin kaupak nuhni kat.

¹²Dutnina kidika dating diswarang dawak wattik kultas awaki, dutni kidika.”

¹³Papang witing aslah kalahnin wisam as yulwa kidika laih, tatuna kidika umani kalna maiti, umani kalna kidika laih ting dawak dis karang.