Read Mayangna Ribilisan 15 Bible Online

Ribilisan 15 - Mayangna bible

Ribilisan 15

¹Kisang yakat sain nuhni ūk talnayang dai dawak kidika laih amanglatasyang dai: insal tiaskaubu dawak witni wah balna tiaskaubu kidika karak, kidika karak laih Papang kulnin daukalna kidika saran laihwa dai.

²Kuma as sihm batal kapat kuhpau karak bahana kat talnayang dai; adika kumani batal kapat kidika yaihnit yakat kasakni yaklauna bangdai, paswi yakisdinin dini balna Papang yaklau diana dai kidika karak, di dutni wayakani dawak wayani kidika yakat dawak ayangni numniba yakat bik minitbayayakna balna kidika.

³Dawak Papang dini yamyang Moses unnibauna kidika unbabauwa dai, dawak Sīp unnibauna kidika bik. Aput yuyulwadai: “Di yamnaman balna bitik kidika laihnuhni dawak taldas dini bik ki Dawan, Papang parasni bitik duyang, man tama balna kidika laih barangni kidawak bik rahm ki, nisan balna kingnina.

⁴¿Dawan, wais kidika yamaduwaskarangyah? ¿Wais kidika man ayangma tanit nuhniyamwas karangyah? Bahang holi kidika laih man manah ki; nisan balna bitik aiwi ayangma tanitnuhni yayamna karang, kat man lama balna kidika laih lāihkalahna bahang.”

⁵Adika usnit kat, kisang kau holi pāni pramis ūni labanni kidika apahwakat talnayang dai.[11],

⁶Holi pāni kidika kaupak insal balna tiaskaubu kidika kalalahna dai wah tiaskaubu duduwa dai kidika. Linin asnina maisihni dis dawak yaringni kana bangdai, dawak baninamak sitnin dini gol kau yamna kidika laih pasnina yakat sitna duduwadai.

⁷Di sangninaka duduwa balna kidika kaupak as yaklau insal balna tiaskaubu kidika yakat gol sūnitak as as diana dai Papang kulnin daukalna kidika babung, witing laih sangka ki ban kaput atnin yakat.

⁸Dawak holi pāni kidika laih wayau manah bung danadai Papang nuhni kidika dawak parasni bik duwa kidika yulni, dawak sip muih as bik kidika yakat kawasdai angkat mani insal balna tiaskaubu tingnina yakat wah duduwa kidika dahn yayamwarang kat.