Read Mayangna Ribilisan 18 Bible Online

Ribilisan 18 - Mayangna bible

Ribilisan 18

¹Adika usnit kat, insal ūk kisang kaupak yaklakwi kaiwakat talnayang dai; kidika laih la parasni duwadai, dawak witing yaringni kidika karak sau kidika laih yaringni duna dai.

²Parasni aput yulwadai: “¡Babilon nuhni kidika laihuman bukna, uman bukna! ¡Walasa balna ūnina kalna, spirit maisihni balna satni bitikpanina sulihni kalna, di lawani balna satni bitik ūninaduduna dawak di anyang maisihni dawakdudutni balna bik!

³Bahang nisan balna bitik laihwasak dadauna dai la munah kalduwas wainni kidika karak; sau kingni balna kidika laih witing karak la munah kalduduwas dai, dawak sau akat di bakanyang muihnibalna kidika laih di duyang kakalna minitbayakwi dauhdisna balna kidika karak.”

⁴Kisang kaupak yulni ūk aputyulwakat dakanayang dai: “Kidika tawanni nuhni kaupak alahwanauh, manna yang tawanki mana kidika, witingna dutni yayamwa kidika yamtasatnamna yulni wahni balna kidika bik manalaihwasatnin yulni;

⁵bahang dutni balna kidika laih mahni kalwi kisang kat kilwi kana ki, dawak witing dutni balna kidika laihPapang bitik amanglana.

⁶Yal kidika yaklau muih ūk balnayakat diana kaput diatanauh; yamna kidika kaput baisa minityakatwatbu lauta kalatanauh; dinin dini as baisa minityakatparasni watbu bahata kalatanauh witing muih ūk balna dinina bahanakidika karak dawakat;

⁷dalani dawak wauhnin bik kalatanauh ampus witing manah kapat kaldakana dawak bik ampus dauh manah disna kat kaput. Bahang isning yakat aput yulwi: ‘Akat yalahna sakyang sihm king yal kapat. Yang laih tingmak awas yang, dawak bik dalani wauhtas awaki ki.’

⁸Kaput bahang, wahni balna kidika ma aslah yakat kaiwarang ki: daunin, kulwi kalbaunin dawak yuh, dawak kuhpau yakat busna karang; kat Papang Dawan laih parasni bitik duwi, witing yaklau pāt yakat sihna āna kidika.”

⁹Sau kingni balna witing karak la munah kalduwas atnin lani yayamna kidika dawak bik dauh manah didisna kidika, witing yulni kakaidana karang buswa wayauni kidika tatalwarang mani kat.

¹⁰Witingna wahnina kidika yakat yamaduwi naikau watwi aput yuyulna karang: “¡Alakaih, alakaih man laih, tawan nuhni palni, Babilon, tawan nuhni parasniman kidika! Kat wahma kidika sirihni palnikaiwi kana.”

¹¹Sau akat di bakanyang muihni balna kidika bik kakaidana karang kidika tawanni nuhni kidika yulni, kat witingna dinina bakannin muihni kidika laih diskarang ki:

¹²gol, lalah, kipala minit nunuhni, linin asnina yayamni balna bik, paisa dawak pauni kauna; pan satni walalapni balna kidika bik; marfil, pan minit nunuhni, bras, ayan dawak marmol kau di yamna balna bik;

¹³canela kau di yamna balna dawak di walalapni balna; walapni yamni busnin dini, kahnin dini walalapni dawak pan yani balna kauna; wain, disala, plawar yamni dawak plawar minik kauna; di truknin dini wail balna, sīp, aras, kar dawak warau balna kat bik, muih sangninaka duduwa balna kidika.

¹⁴Dawak tawan nuhni yakat aput yuyulna karang: “¡Pan minik ahauhni balna kidikalaih uman disman dukih palni mawadai kidika; ban kaput atnin disnaman di yayamni yaksisihni dawak ritsmabalna dai kidika bitik!”

¹⁵Angdika muihni balna kidika dini karak lalah warkni yamwi di duyang kakalna kidika tawan nuhni kidika tunan minit munah, witingna wahnina yakat yamaniduwi naikau wawatna karang dutni dakawi kaidīnah,

¹⁶dawak aput yuyulna karang: “¡Alakaih, alakaih tawan nuhni kidika! Linin asnina yamni kana kidika, asna paisa dawak pauni karak, gol, kipala yaringni minit nunuhni dawak kipala minit nunuhni balna kauna.

¹⁷¡Dawak sirihni palni rits balnamahni didisna!” Kuma kuring nunuhni wauhyang balna dawak kuma yakat awawaihwa balna kidika, kuma kuring yakat tunan kayang balna dawak kuma yakat wark kalahwi sangka balna kidika bitik, naikau wawatna dai

¹⁸dawak, tawan nuhni buswa wayauni kidika tatalna mani kat, aput yulwi sararahna: “¿Angdika tawanni nuhni ūk kidika sipyah adika tawanni nuhni adika karak libitna atnin?”

¹⁹Dawak tunanina yakat sau yahamni kidika uhuhna dai, dutni dakawi kaidīnah, dawak aput yulwi sararahna dai: “¡Alakaih, alakaih tawan nuhni kidika! Ritsnina balna karak di duyangkakalna dai kuma yakat kuma kuring duduwa daikidika balna bitik. ¡Dawak sirihni palni bitik daukalna!”

²⁰Kisang, man alasna alahwah kidika tawanni nuhni yulni; dawak manna alasna alahwanauh, Papang tawanni muihni balna, dawak apostel dawak prapit balna bik, kat Papang yaklau pāt yakat ānamani kat, manna yakat la kat kidika manayamna.

²¹Bahang insal parasni as kipala as dulauna dai, di tiknin kinipala kapat dai, dawak kuma yakat ruhm āwi aput yulna dai: “Man laih kaput sau yakat maruhmwiāna karang, Babilon, tawan nuhni palni, dawak wat bik matatalwas karang.

²²Tama nunuhni balna yakat wat bikdakakawas karang paswi yakisdinin dini balna dawaktrumpit balna bik, dawak man pasmang yakat wark sat kalahyang muihni balna bikdis karang, dawak man pasmang yakat di tiknin kinipala parasni yulwakidika bik dis karang.

²³Man pasmang yakat wat bik awas yaringni kidika dahlwas karang, dawak marid kasnin alasnina yakat muih balna parasni yuyulwa kidika bikdis karang, man tawanma yakat di bakanyang muihni balna kidika sau akat pararasni dai karang bik dawak nisan balna bitik yakat alas diyulnaman di talaman balnakidika karak.”

²⁴Bahang kidika tawanni nuhni yakat prapit balna dawak Papang tawanni muihni balna ānina bik utuhna, dawak sau akat ihina muihni balna kidika ānina bik.