Read Mayangna Ribilisan 5 Bible Online

Ribilisan 5 - Mayangna bible

Ribilisan 5

¹Trun kau yalahna sakdai kidika tingni tingpal niningyakat wauhtaya tulna as paskau dawak ahni niningkauh kidika bik ulna kat talnayang dai, dawak tamp tiaskaubu karak taihna dai.

²Dawak insal parasni nuhni duyang as yaklau parasni aput yulwi dakana dai: “¿Angdika muihni kidika barangniyah adika wauhnitaya tulna adika uluhna atnin dawak tamni taihna kidika bik bisna atnin?”

³Kaunah kisang yakat, sau yakat dawak sau dinityakat bik muih as bik disdai wauhtaya tulna kidika uluhwi talna atnin.

⁴Dawak yang laih uba aidayang dai, kat barangni muihni as bik disdai kidika yulni wauhtaya tulna kidika uluhwi talna atnin.

⁵Kaunah muihbararak balna kidika kaupak as yaklau yayulna: “Baisa kaidinih, bahang Judá sulani Layanni kidika laih, king Devid sulani kidika, minitbayakna dawak witing laih sipki wauhtaya tulna kidika uluhna atnin dawak tampni balna tiaskaubu taihna kidika bik bisna atnin.”

⁶Bahang, trun dawak di sangninaka duduwa balna arungka kidika walsah yakat, dawak muihbararak balna kidika walsah yakat bik, Sīp as talnayang dai. Kalni kau yaklauna sakdai, sakripais yayamna dai kapat karang bik. Tamni tiaskaubu dawak minikpa balna bik tiaskaubu duwadai, kidika balna kuduh Papang spiritni balna tiaskaubu sau bitik yakat sihna kidika.

⁷Kidika sīpni kiwi trun yakat yalahna sakdai kidika tingnipal kau wauhtaya tulna duwasakdai kidika duna dai;

⁸wauhtaya tulna kidika duna mani kat, di sangninaka duduwa balna arungka kidika dawak muihbararak balna 24 kidika limbabahna dai Sīp kidika muhnityakat. Witingna bitik laih paswi yakisdinin dini duduwa dai, dawak gol sūnitak kau busnin walapni dini kidika babung duwi uina dai, kidika balna laih Papang tawanni muihni balna minitna yulninna.

⁹Dawak adika unbauna wisam adika unbabauwa dai: “Man laih barangniman wauhtaya tulna kidika duta tampni balna taihna kidika bisna atnam, kat man laih sakripais kalyamnamankidika yulni; dawak man āma kidika sau yakatutuhtinah Papang dini laihta yaknaman muih satni balna bitik, tuniyuyulwa balna, tawan dawak nisan balna bitik kau bik.

¹⁰Kidika balna kaupak king kaninlani as yamnaman, sumalyang balna yamnaman mayangMapapangki dini, dawak witingna laih sau minityakatking kakana karang.”

¹¹Usnitkat talnayang dai, dawak bik dakanayang dai insal balna mahni trun yaihnit yakat bangdai kidika, di sangninaka duduwa balna dawak muihbararak balna kidika dinitna bik. Witingna laih milian milian bangdai,

¹²dawak parasni aput yuyulwa dai: “¡Sīp sakripais yamna dai kidika laih barangni ki parasni kidika dawakrits kidika bik dunin, sins tuhni dawak parasni kidika bik, rispik lani, alasnina yaksihni dawak ayangni nuhni yamnin kidika bikduna atnin!”

¹³Dawak Papang yaklau kisang, sau, sau dinit yakat dawak kuma yakat bik di balna yamna kidika aput yuyulwakat dakanayang dai: “¡Trun yakat yalahna sakkidika dawak Sīp yakat bik, ayangni nuhni yamnin kidika,rispik lani, alasna yaksihni dawak parasni kidikabik duduna karang ban kaput atnin yakat!”

¹⁴Di sangninaka duduwa balna kidika laih aput nangnitlalawadai: “¡Kaput karang!” Dawak muihbararak balna 24 kidika laih limbabahwi ayangni tanit nuhni yayamna dai.