Read Medumba Neto'te 36 Bible Online

Neto'te 36 - Medumba bible

Neto'te 36

¹Tshù nzwit Esau ke Edom no li.

²Esau lo so ngonngon Kanaan: Ada, ngon Elon ze Hétia; Oholibama, ngon Ana, ngon Tsibeon ze Hétia.

³Basmat, ngon Ismaél mfèt Nebajot ze mènnzwi.

⁴Ada bwe Elifaz Esau; Basmat bwe Reuél Esau.

⁵Oholibama bwe Yush, Yaelam bo Koré. Tshù bon bandum tse Esau bwe ntùm ngô Kanaan nà.

⁶Esau lo' zwi tse, bon tse tse bandum boa tse bènnzwi, njoṅ benntùn fa tse bo be ntùm ndà i là, nyàm tse, bon nyàm tse boa njoṅ tshu fa ts'a ghù mum ngô Kanaan nà, nèn ntùm ngô Seir, tà ngùanesà num miag mfèl i Yakob.

⁷A b'a nummbe bo lo ghù tshu yàme, ke ku'ni netamte dù' ntshù'. Dù' tsha' bo ke ntswe bwe là kag nummbe nyàm lo yàm bo.

⁸Esau ke Edom no te num mbat Seir.

⁹Tshù nzwit Esau tà Edom num mbat Seir li.

¹⁰Tshù ndèn bon Esau tse bandum ni: Elifaz nshum Ada, nzwi Esau; Reuél nshum Basmat, nzwi Esau.

¹¹Elifaz bwe bon bandum: Téman, Omar, Tséfo, Gaetam bo Kenaz.

¹²Timna na' mb'a màndà Elifaz, nshum Esau. Timna bwe Amalék Elifaz. Tshù bon Ada, nzwi Esau, tse bandum nà.

¹³Tshù bon Reuél tse bandum ni: Nahat, Zérak, Shamma bo Mizza. A b'a bon Basmat, nzwi Esau là.

¹⁴Tshù tse bon Oholibama, ngon Ana, nshum Tsibeon, nzwi Esau li: Oholibama bwe Yéush, Yaelam bo Koré Esau.

¹⁵Tshù fenfen ts'a tum netèt bon Esau tse bandum ni: Tshù tse bon Elifaz tuswe Esau tse bandum ni: Mfen Téman, mfen Omar, mfen Tséfo, mfen Kenaz.

¹⁶Mfen Koré, mfen Gaetam, mfen Amalék. Tshen ben ni b'a fenfen ts'a tum Elifaz, mum ngô Edom nà. Bo b'a bon Ada tse bandum.

¹⁷Tshù bon Reuél, nshum Esau, tse bandum ni: Mfen Nahat, mfen Zérak, mfen Shamma, mfen Mizza. Tshen ben ni b'a fenfen ts'a tum Reuél mum ngô Edom nà. A b'a bo bèn mbe nshumnshum Basmat, nzwi Esau.

¹⁸Tshù bon Oholibama, nzwi Esau, tse bandum ni: Mfen Yéush, mfen Yaelam, mfen Koré. Tshù fenfen ts'a tum Oholibama ngon Ana, nzwi Esau là.

¹⁹Tshen ni b'a bon Esau ke Edom no tse bandum; bo b'a fenfen ntùm tshob tunndà.

²⁰Tshù bon Seir tse bandum, Seir ze Hori tse bo ke ntswe mum ngô li: Lotan, Shobal, Tsibeon, Ana.

²¹Dishon, Etser, Dishan. Tshù fenfen ba Hori, bon Seir tse bandum, mum ngô Edom nà.

²²Tse bon Lotan tse bandum b'a Hori bo Héman. Mfèt Lotan ze mènnzwi b'a Timna.

²³Tshù bon Shobal tse bandum ni: Alvan, Manahat, Ebal, Shefo bo Onam.

²⁴Tshù bon Tsibeon tse bandum ni: Aja bo Ana. A yen Ana li na' mfon tumnsi ntse nedum kônkwa ndùs'a ke mbéb nkekwèn tàab Tsibeon nà.

²⁵Tshù bon Ana li: Dishon bo Oholibama ngon Ana.

²⁶Tshù bon Dishon tse bandum ni: Hemdan, Eshban, Jitran bo Keran.

²⁷Tshù bon Etser tse bandum ni: Bilan, Zaavan bo Akan.

²⁸Tshù bon Dishan tse bandum ni: Uts bo Aran.

²⁹Tshù fenfen ba Hori li: Mfen Lotan, mfen Shobal, mfen Tsibeon, mfen Ana.

³⁰Mfen Dishon, mfen Etser, mfen Dishan. Tshen ben ni b'a fenfen tse bo ghù ngô Seir là.

³¹Tshù fenfen tse bo sa' ntùm ngô Edom, kà ta' mfen nzi nsa' bon Israél li.

³²Béla, nshum Béor, sa' mum ngô Edom, lén ze ngô na' mb'a Dinhaba.

³³Béla kwù; Jobal nshum Zérak, ze Botsra sa' num ze dù'.

³⁴Jobal kwù; Husham ze ngô ba Téman, sa' num ze dù'.

³⁵Husham kwù; Hadad nshum Bedad sa' num ze dù'. A b'a yi na' ntshùa Madian ntsho mà tshwèt Moab. Lén ze ngô na' mb'a Avit.

³⁶Hadad kwù. Samla ze Masréka sa' num ze dù'.

³⁷Samla kwù; Saul ze Rehobot z'a num ta' ntse Efrat là sa' num ze dù'.

³⁸Saul kwù; Baal-Hanan nshum Akbor sa' num ze dù'.

³⁹Baal-Hanan nshum Akbor kwù, Hadar sa' num ze dù'. Lén ze ngô na' mb'a Pau, lén nzwi i be Mehétabel, ngon Matred, ngon Mézahab.

⁴⁰Tshù fenfen tse bo tum num Esau, mba yub tunndà be yi, mba yub ngô be yi, mba mba ndèn mub be yi là li: Mfen Timna, mfen Alva, mfen Jetet.

⁴¹Mfen Oholibama, mfen Ela, mfen Pinon.

⁴²Mfen Kenaz, mfen Téman, mfen Mibtsar.

⁴³Mfen Magdiel, mfen Iram. Tshen ben ni b'a fenfen Edom, mba we lo num ze bag ngô z'a ghù là. Esau b'a tà njoṅ yub fa.