Read Medumba 1 Kronika 10 Bible Online

1 Kronika 10 - Medumba bible

1 Kronika 10

¹Ba Filistia kam ba Israél ntsho; ba Israél kù ntsho mbwe ba Filistia, ngwùte num mbat Guilboa, nkwùte.

²Ba Filistia yab njam Saulo, mba njam nshumnshum tse, nzwi Yonatan, Abinadab bo Malki-Shua, tse nshum Saulo.

³Ndoṅ ntsho b'a num Saulo; ghama' nkét tam i, nkag mfaṅ num i.

⁴Ndùlala Saulo tshob mèn z'a ke ntshùb tse tshuntshùag là ndù: Tsho' bi nsob àm yi; mbwôg ndù kà ba kesiket là se' nsagt'àm. Mèn z'a ke ntshùb tshuntshùag là ke bam, nummbe bwôg lo ghom i. Saulo te bi se nsi, ngwù num bwe.

⁵Mèn z'a ke ntshùb tshuntshùag Saulo là be yen mb'a kwù là, nte se bi ze nsi ngwù bwe nkwù.

⁶Tshù mba Saulo boa nshumnshum tse tat kwùte mba tunndà i be ngelaṅ ntshù' là.

⁷Njoṅ ba Israél fa tse bo ke ntswe tômbo' là be yen mba bo kù, bo mba Saulo boa nshumnshum tse kwù là, ngua' mub ntusô nkù yub. Ndùlala ba Filistia se' ntete bwe.

⁸Njù làn, ba Filistia nèn ta' mbàm fe ben, ntsho ntèt Saulo boa nshumnshum tse ndù bo vùte num mbat Guilboa.

⁹Bo ta' mbàm mi, ndo' tu i boa tse tshuntshùag. Yen nà be tôg bo tum yen nkùn mebwô là ntùm ngô ba Filistia fa, nsoṅ neto tshob mba ngô.

¹⁰Bo yab tshuntshùag Saulo ntùm ndà nsi yub, ntaṅ tu i ntùm ndà Dagon.

¹¹Njoṅ ba Yabès fa Galad ju' mba ke lo ze ba Filistia ghù Saulo là,

¹²ndùlala ba neta nduku lo nsi, ndo' fe Saulo boa tse nshumnshum tse nèn yi Yabès. Bo tshoṅ mvôg mub tun térébintô Yabès, ntswe nziku' lé'njù sammbàa.

¹³Saulo kwù, nummb'a lo ke ju' ntshu Tshùaben, ke tshùb ntshob mi, mba ndù a lo bètte, ntshaṅ ngàm bu ben bo num ntsiaṅ fe ben nà.

¹⁴A lo ke tshaṅ Tshùaben; a ndùlala ze Tshùaben zwi i, mfà fen David nshum Isaï là.