Read Medumba 1 Kronika 25 Bible Online

1 Kronika 25 - Medumba bible

1 Kronika 25

¹David boa tàndà ntsho yab tsemo' tse nshum Asaf, Héman bo Yédutun nsi num fa'. Bo nke nzin nke ntshob mba ghatshob ntshob Nsi là, mbe tshob nke bu' loṅ nse'e, loṅ boa netsha'a. Tshù njoṅ ben tse bo na' ngù fa' nefa' li.

²Netèt tse nshum Asaf: Zakkur, Yosèf, Nétania bo Asharéela, tse nshum Asaf tse tu wul i na' mbèn nke ntshagte là. A lo ke ntshob mba ngatshob ntshob Nsi là, mba mfen tshob ndù a tshob là.

³Tse nshum Yédutun tse bo tum yi là: Guedalia, Tséri, Esaya, Hashabia, Mattitia bo Shimei, ntu tshob ntôge. Yédutun tà yub bèn nke ntshagte yube. A lo ke mbu' loṅ nke nyàmte mbèn ngamte Tshùaben yi, nke ntshob mba ngatshob ntshob Nsi là.

⁴Tse nshum Héman tse bo tum yi là: Bukkiya, Mattania, Uziél, Shebuél, Yérimot, Hanania, Hanani, Eliata, Guiddalti, Romamti-Eer, Yoshbekasha, Hotir, Makaziot,

⁵njoṅ yub fa b'a nshum Héman z'a na' mbe ze ngayente mfen, num neke mbùt ntshob Nsi, mba neke nka'te ze neta mfen nà. Nsi lo fà bonnshum Héman ntshob kuà gham boa bonngon tat.

⁶Njoṅ tshen ben nà fa, tà yub na' mbèn nke ntshagte yube, num neke njob kwi ndà Tshùaben. Bo lo ghù ba netsha'a, ndoṅe, ndoṅ nse' num neke mfa' yi ndà Nsi. Asaf, Yédutun bo Héman lo ke nkwé ntshob mfen.

⁷Bo na' mb'a ntu ntshob fom bon fom nkù bàa, mba fèt tshob tse bo zi'te yub kwi Tshùaben nà lo be netèt bo, bo na' mb'a ghafùag wut.

⁸Bo tam tô num mfa' mube, bônke' mba dùbdùb, ghatswite boa ghazi'te.

⁹Mbwe mèn ze tô ghom i là b'a Yosèf, ntùm tunndà Asaf; mbatte bàa be Guedalia boa fèt tse mba tse nshum, ntu ntshob bàa gham.

¹⁰Mbatte tat be Zakkur boa tse nshum mba fèt tse, ntu ntshob bàa gham;

¹¹mbatte kuà be Yitseri boa tse nshum mba fèt tse, ntu ntshob bàa gham;

¹²mbatte tàn be Nétania boa tse nshum mba fèt tse, ntu ntshob bàa gham;

¹³mbatte ntôg be Bukkiya boa tse nshum mba fèt tse, ntu ntshob bàa gham;

¹⁴mbatte sammbàa be Yésareéla boa tse nshum mba fèt tse, ntu ntshob bàa gham;

¹⁵mbatte fom be Esaya boa tse nshum mba fèt tse, ntu ntshob bàa gham;

¹⁶mbatte bwe'e be Mattania boa tse nshum mba fèt tse, ntu ntshob bàa gham;

¹⁷mbatte gham be Shimei boa tse nshum mba fèt tse, ntu ntshob bàa gham;

¹⁸mbatte ntshob ntshù' gham be Azareél boa tse nshum mba fèt tse, ntu ntshob bàa gham;

¹⁹mbatte ntshob bàa gham be Hashabia boa tse nshum mba fèt tse, ntu ntshob bàa gham;

²⁰mbatte ntshob tat gham be Shubaél boa tse nshum mba fèt tse, ntu ntshob bàa gham;

²¹mbatte ntshob kuà gham be Mattitia boa tse nshum mba fèt tse, ntu ntshob bàa gham;

²²mbatte ntshob tàn gham be Yéremot boa tse nshum mba fèt tse, ntu ntshob bàa gham;

²³mbatte ntshob ntôg gham be Hanania boa tse nshum mba fèt tse, ntu ntshob bàa gham;

²⁴mbatte ntshob sammbàa gham be Yoshbekasha boa tse nshum mba fèt tse, ntu ntshob bàa gham;

²⁵mbatte ntshob fom gham be Hanani boa tse nshum mba fèt tse, ntu ntshob bàa gham;

²⁶mbatte ntshob bwe'e gham be Malloti boa tse nshum mba fèt tse, ntu ntshob bàa gham;

²⁷mbatte ṅam mbàa be Eliyata boa tse nshum mba fèt tse, ntu ntshob bàa gham;

²⁸mbatte ntshob ntshù' ṅam mbàa be Hotir boa tse nshum mba fèt tse, ntu ntshob bàa gham;

²⁹mbatte ntshob bàa ṅam mbàa be Guiddalti boa tse nshum mba fèt tse, ntu ntshob bàa gham;

³⁰mbatte ntshob tat ṅam mbàa be Makaziot boa tse nshum mba fèt tse, ntu ntshob bàa gham;

³¹mbatte ntshob kuà ṅam mbàa be Romamti-Ezer boa tse nshum mba fèt tse, ntu ntshob bàa gham.