Read Medumba 1 Kronika 4 Bible Online

1 Kronika 4 - Medumba bible

1 Kronika 4

¹Ndèn bon Yuda b'a ndù: Perès, Hesron, Karmi, Hur, Sobab.

²Là, Reaya mén Sobab bwe Yahat, Yahat bwe Ahumai bo Lahad, yen ni b'a nzwit ba Sora.

³Tshù ndèn bon Hur tse bandum tà Etam ni: Yesréel, Yisma bo Yidbas; lén mfèt yub ze mènnzwi na' mb'a Haselélponi.

⁴Mbèn ngù Penuél tà Gedor bo Eser tà Husa. A b'a mba bon Hur tse bandum, tuswe Efrata tà Bétléhém na' mbe là.

⁵Witshur tà Tékoa na' ghù bènnzwi bàa: Hela bo Naara;

⁶Naara bwe Ahusam bo Héfer, mba ba Temanita boa ba Ahashetan. Tshen nà na' mb'a kua' ben Naara tse bandum.

⁷Ndèn bon Hela tse bandum b'a ndù: Seréd, Kohar, mba Enan.

⁸Kos nsi bwe Anub bo Sobeba, mbe nzwit Aharhél mén Harum ze mandum.

⁹Là, benntùn na' ghamte Yaebék ntshùa tsemo' fèt tse. Màab na' mbèn ntswi lén se ndù Yaebék, nke ntshob ndù: “Me bwe i à ntùm nge'.”

¹⁰Yaebék tsiaṅ Nsi ba Israél ntshob ndù: 'A be z'o naṅ mbotni num àm kua' nenùn là, mb'o nsi kwi'te tsha' tshàm a yàme, mba bu o nsi be num àm, mb'o nsi bèn ghù ndù nge' nèn ngùanesà ndù kà me tswe à ntùm nge'. Nsi ghù nu z'a na' mbètte là bumte.

¹¹Kelub mfèt Suha nsi bwe Mehir z'a be tà Eston nà.

¹²Eston nsi bwe Bét-Rafa, Paséa mba Tehina z'a be tà Ir-Nahas là. A b'a bo bèn mbe ba Reka.

¹³Ndèn bon Kenaz tse bandum b'a Otniél bo Seraya. Ndèn bon Otniél tse bandum b'a Hatat bo Meonatai.

¹⁴Meonatai nsi bwe Ofra. Seraya nsi bwe Yoab tà Ge-Harasim. Nummbe bo na' mb'a ghave.

¹⁵Ndèn bon Kaléb mén Yéfuné tse bandum b'a ndù: Iru, Ela mba Naam. Lén mén Ela ze mandum be Kenaz.

¹⁶Ndèn Yehalélél tse bandum b'a ndù: Sif, Sifa, Tiria mba Asarél.

¹⁷Ndèn bon Esra tse bandum b'a ndù: Yéter, Meréd, Efer mba Yalon. Nzwi Meréd bèn mbwe Miriam, Samai mba Yisba, tà Eshtemoa.

¹⁸Nzwi i ngon Yuda na' mbèn mbwe Yeréd, tà Gedor, Héber, tà Soko, mba Yekutiél, tà Sanoa. Bo b'a bon Bitia ngon Faroa tse bandum ze Meréd na' nso i là.

¹⁹Bon nzwi Hodiya tse bandum, mfèt Naham ze mènnzwi b'a tà Keila mba Eshtemoa ze Maaka.

²⁰Ndèn bon Simon tse bandum b'a ndù: Ammon, Rina, Benhanan mba Tilon. Bon Yisei tse bandum b'a Sohét bo Ben-Sohét.

²¹Ndèn bon Séba mén Yuda tse bandum b'a ndù: Er tà Leka, Lada tà Marésha; boa nzwit benntùn tse bo be ntùm tunndà ghaba' nzwe mebwô tse bo be mà Bét-Asbea là.

²²Yokim boa ba Koseba, ba Yoash boa ba Saraf, tse bo na' nke ntô ba Moab là, bo bèn mbèn njam mà Bétléhém. Tshen ni b'a ba nu ts'a na' ngù tà mbwembwe là.

²³A na' mb'a ghate kàb bo ba benntùn tse bo num ntswe ntùm nà mba ntùm nka' là. Bo na' nke ngô à be mbaṅ mfen num neke mfa' yi.

²⁴Ndèn bon Siméon tse bandum b'a ndù: Nemuél, Yamin, Yarib, Séra mba Saulo;

²⁵mén Saulo ze mandum be Salum, mén Salum ze mandum be Mibsam, mén Mibsam ze mandum be Misma.

²⁶Ndèn bon Misma tse bandum b'a ndù: Mén i ze mandum b'a Hamuél, mén Hamuél ze mandum be Sakur, mén Sakur ze mandum be Shimei.

²⁷Shimei bwe bon bandum ntu ntshob ntôg gham ngù bon bènnzwi ntu ntôge; là fèt tse ke bwe bon bandum yàme, njoṅ nkùndà yub ke bèn njàm yub nkum njoṅ ba Yuda.

²⁸Bo na' nke ntswe à mà Ber-Shéba, Molada, Hasar-Sual,

²⁹Bilha, Esèm, Tolad,

³⁰Bétuél, Horma, Siklag,

³¹Bét-Markabot, Hasarsusim, Bét-Biri mba mà Saaraim. Tshen nà na' mbèn mbe ntusô mub mi ndùbndùb tà nkum ngelaṅ ze David na' njù fen nà;

³²boa ntusô mi nke'e. Memo' ntusô mub na' mb'a Etam, Ain, Rimmon, Tokèn, Asan, a be ntusô ntàn,

³³boa njoṅ ntusô nke'nke' fa mi à na' mbe mbaṅ men ntusô ndùbndùb là tà nèn nkum mà Baal. A na' mb'a be yube. A na' mb'a yub dù'ntswe bo nke nkite kua' ndèn ntùm ṅwa'ni z'a b'a ṅwa'ni ndèn yub tunndà là.

³⁴Mesobab, Yamelék, Yosa bo b'a bon Amasia tse bandum,

³⁵Yoél, Yéhu be bon Yosibia tse bandum, mén Seraya, mén Asiél;

³⁶Elysenai, Yaakoba, Yesohaya, Asaya, Adiél, Yesimiél, Benaya;

³⁷Sisa mén Sifei ze mandum, mén Alon, mén Yedaéya, mén Simri, mén Semaya.

³⁸Tshen nà tse bo lo netùnte ndèn mub là na' mb'a fenfen ntùm nzwit yub, tunndà tà tshob be ndù a lo saa, nummbe bo lo yàm neshu.

³⁹Là bo nèn tà nkum num bag Gedor, tà nkum mum tômbo' z'a be bag ntumnyam nà num nelôte dù' nenà mebwô num nyàm tshobe.

⁴⁰Bo fon dù' nenà mebwô z'a bwô mbèn ngù nzit là, ngô na' be ndù a ghu', ntswe ndù kam mba fite, nummbe benntùn tse bo na' nke ntswe bwe là na' mb'a nzwit Kam.

⁴¹Tshen benntùn nà tse bo lo netùnte ndèn mub là lo' ntsho nse' yi num ngelaṅ ze Ezékia na' mbe mfen Yuda là, nsate ntàb mub fa boa ndàlem ts'a na' mbe bwe là; mbagte njoṅ i fa ke faṅ sàm ju tà nse' nkum sènni. Bo tswe num yen dù' là, nummbe nenà mebwô na' be bo bwe num nyàm tshobe.

⁴²Tsemo' bon Siméon tse bandum, benntùn nkù tàn nèn num mbat Seir; ghakwé mbwe bo na' mb'a: Pelatia, Nearya, Refaya mba Uziél bon Yisei tse bandum.

⁴³Bo ton tshé' ba Amalék tse bo na' njôg là, ntswe bwe tà nkum sènni.