Read Medumba 2 Kronika 27 Bible Online

2 Kronika 27 - Medumba bible

2 Kronika 27

¹Yotam lo be jù fen ndù a ghù ngu'njù ntshob tàn ṅam mbàa; a tô num ngu'njù ntshob ntôg gham, nke ntswe Yérusalém. Lén màab na' mb'a Yérusha, mbe ngon Tsadok.

²A ghù nu ndaṅndaṅ num miag Tshùaben. A ghù à be ndaṅndaṅ mba tàab Ozias na' ngù là. Nda' ndù a ke tsho tse ndà Tshùaben. Mba tà ndùlala ngô nke nke' mbagte wul i.

³Yotam kut nzendà ba' Tshùaben z'a be mfe tu là, nkut mba' yàm num nkummba' mi à kônga là.

⁴A kut ntusô num mbat Yuda, nkut mba' ndùbndùb boa dù' nebéb dù' yi ntùm fèn.

⁵A ma' mfen tse nshum Ammon ntsho kà ntshùa yube. Tse nshum Ammon fà talaṅto silba nkù yi yen ngu'njù là, mfà ntsi ngefet ntsha' gham boa ntsi nkun ntsha' gham yi; bo fà yi be ndùlala mbatte ngu'njù bàa mba mbatte ngu'njù tat.

⁶Yotam tù' mèn neta, nummb'a lo nabte tse manze mbwe Tshùaben Nsi i mebwô.

⁷Tshé' mfa' Yotam, ntsho ts'a le' là, tshu ts'a ghù là, bo kite ntùm ṅwa'ni fenfen Israél boa tse Yuda.

⁸A lo be jù fen ndù a ghù ngu'njù ntshob tàn ṅam mbàa, ntô ngu'njù ntshob ntôg gham, nke ntswe Yérusalém.

⁹Yotam nèn ntèt tà tse, bo tshoṅ i ntùm tusô David. Nshum i Akaz tô num ze dù'.