Read Medumba Esdra 10 Bible Online

Esdra 10 - Medumba bible

Esdra 10

¹Ndùse Esdra ke nkua'a, nte nkekwi' mi nsi mbwe Ndà Nsi, nke nde'te Nsi mbèn nke mbam men mfànnu li là, mo' mà bwoṅ ba Israél, bandum, bènnzwi boa bon kùmte mbaṅ i; mba ngô fètte ntsenyà kua' yàme.

²Ndùlala Shekania nshum Yéhiél, mèn netèt tse nshum Elam tshob Esdra ndù: Bag lo ghù nukebwô num Mbom be mba bag na' nso ngonngon yen ngô là là. Mba tà ndùlala nenywinte ke' yoṅ mi num ze bag Israél.

³A bwô ndù bag à bin Nsi be wat kàn ndonni, ndù bag nsi ta' tshen bènnzwi là fa boa bon tse bo bwe là, ghù ndaṅndaṅ mba tshùaben àm boa ben tse bo be mbwôg ntshù' Nsi be nsi tshob bag là. A bwô neghù à kua' mb'a ntùm ntshù' là.

⁴Lo nsi nummb'a b'a wù bèn tsiagte yen nu li: Fèn ntù nto' fa'; nummbe bag bin nsi b'a ku ntshù'.

⁵Ndùlala Esdra lo nsi, ngù fenfen ghale'te, ben Lévi boa njoṅ ba Israél fa kàn mfe ndù bo nsi ghù à mba bo lo netshob là; bo kàn mfe num yen nu là.

⁶Ndùlala Esdra lo mbwe Ndà Nsi, nèn ntùm to'ndà Yohanan nshum Eliashib. A tsho bwe, ke jù ke bèn nu, nummb'a na' mb'a nsi vù num nukebwô ben bo fe ndà kuan nà.

⁷Bo sa ta' ntshù' Yuda mba Yérusalém ntshob ndù njoṅ benntùn fa tse bo fe ndà kuan nà bumte Yérusalém.

⁸Mèn z'a ke nsi kum bwe num lé'njù tat là, mba bo nsi tshùb tshu tse bèn sô i netèt ben bo fe ndà kuan nà. Yen ni b'a ju ze fenfen boa ghakwé mbwe na' nabte là.

⁹Ndùlala njoṅ tse ben Yuda boa tse Benjamin fa tse'te Yérusalém num lé'njù tat; a na' mb'a num lé'njù ṅam mbàa ntùm maṅwù bwe'e. Ngô tsin ntshundà Ndà Nsi, nke mvètte num nu z'a nsi là, mba num mbaṅ z'a ke ndo là.

¹⁰Esdra, ngale'te lo nsi, ntshob bo ndù: Bin ghù nukebwô mba bin so ngonngon tum nà, ntshùa ndùlala mbù'te nukebwô Israél.

¹¹Ndonni a bwô bin lèn nukebwô zin mbwe Tshùaben, Nsi tà tsine, mbèn ngù mb'a tshwèt nkô là. Bin sô wut zin num ba la', mba num zwi tum.

¹²Njoṅ ntse'te fa bùnte kua' neta ndù: Bag bam, bag nsi ghù à kua' mb'o tshob là.

¹³Nda' ndù bwoṅ benntùn yàm neshu, a bèn mb'a ngelaṅ mbaṅ ni. A ke' fà bu mb'a be benntùn tswe ntshundà là. Mbèn mbe, a ke' b'a nu ta' lé'njù ke lé'njù bàa lo, nummbe bag tse bag na' ngwù ntùm men mfànnu là là yàm neshu.

¹⁴A bwô ndù fenfen tshag tù' nsen ni num ze tu ntse'te fa. Njoṅ benntùn fa tse bo be ntùm ntusô mag ndù bo so zwi tum nà, nsi se' num ntswe'njù mi bin nsi yab là boa ghakwé mbwe mba sit tusô lo, boa tshob ghasa'kame. Bo nsi ke ghù ndùlala tà kum ndùse bo ba' mbwôg yantù Nsi be num be, num yen nu là là.

¹⁵Nda' Yonatan nshum Asaél bo Yakzia nshum Tikva, mba Meshullam z'a be yub njam nà, mba mèn Lévi Shabtai na' mbèn nke nga yen nkwate là.

¹⁶Là ben tse bo fe ndà kuan nà saṅlaṅ bwe, mbame. Esdra, ngale'te tsho'te benntùn, ntsho'te fenfen ndaṅndaṅ mba tunndà tshob be yi là, ntsiaṅ mba zit lo lén se. Bo to' fa' num mbwe lé'njù mum ṅwù gham, nke ndôte mba nu tshwèt ntôg yi là.

¹⁷A be kum num mbwe lé'njù ntùm mbwe maṅwù boa ben tse bo so zwi tum nà miagte kame.

¹⁸Netèt bon ghale'te, tsemo' tum bwe nso zwi tum. A na' mb'a: Netèt bon Yoshua nshum Yotsadak boa bon fèt tse: Maaséya, Eliézer, Yarib bo Guedalia;

¹⁹tshen ben ni bam nesô zwi tshobe, mbèn mfà ta' komnjù netamte fa yi num nukebwô yub.

²⁰Netèt tse bon Immer: Hanani bo Zébadia;

²¹netèt tse bon Harim: Maaséya, Elia, Shemaéya, Yéhiél bo Ozias;

²²netèt tse bon Pashur: Eljoénai, Maaséya, Ismaél, Netanéel, Yozabad bo Elasa.

²³Netèt ben Lévi: Yozabad, Shimei, Kelaya, ke Kelita lo, Patakia, Yuda bo Eliézer.

²⁴Netèt ghayobkwi: Eliashib. Netèt ghabéb nzendà: Shallum, Télem bo Uri.

²⁵Netèt ba Israél: Remia, Yizziya, Malkiya, Miyamin, Eléazar, Malkiya bo Benaya tum netèt bon Pareosh;

²⁶Matania, Sakaria, Yéhiél, Abdi, Yerémot bo Elia tum netèt bon Elam;

²⁷Eljoénai, Eliashib, Matania, Yerémot, Zabad bo Aziza tum netèt Zattu;

²⁸Yohanan, Hanania, Zabbai bo Atlai tum netèt bon Bébai;

²⁹Meshullam, Malluk, Adaya, Yashub, Sheal bo Ramot tum netèt bon Bani;

³⁰Adana, Kelal, Benaya, Maaséya, Matania, Betsaléel, Binnui bo Manasé tum netèt bon Pakat-Moab;

³¹Eliézer, Yishiya, Shemaéya, Siméon,

³²Benjamin, Malluk bo Shemaria tum netèt bon Harim;

³³Matnai, Matata, Zabad, Elifélét, Yerémaï, Manasé bo Shimei tum netèt bon Hashum;

³⁴Maadai, Amram, Uol,

³⁵Benaya, Bédia, Keluhu,

³⁶Vania, Mérémot, Eliashib;

³⁷Matnai, bo Yaasai;

³⁸Bani, Binnui, Shimei,

³⁹Shélémia, Shemaria, Natan, Adaya,

⁴⁰Maknadbai, Shashai, Sharai,

⁴¹Azareél, Shélémia, Shemaria;

⁴²Shallum, Amaria, bo Yosèf, tum netèt bon Bani;

⁴³Yeiél, Matitia, Zabad, Zébina, Yaddai, Yoél bo Benaya tum netèt bon Nébo.

⁴⁴Njoṅ tshen ben ni fa lo so zwi tum, tse yàm netèt bo ghù bon.