Read Medumba Esta 7 Bible Online

Esta 7 - Medumba bible

Esta 7

¹Mfen bo Haman nèn jùa ntùm ndà màbwengub Esta.

²A be sen mbatte lé'njù bàa li, mfen bèn ntshob Esta ndùse bo ke nu ndu' là ndù: Màbwengub Esta, z'o bètte là b'a ke? Bètte m'a' fà wù. Ke z'o kô à? A be z'a b'a mba mo' bag nufen nà, mba m'a' fà wù.

³Màbwengub Esta bùnte ndù: A be ze me tum mènfen num miag mfen àm, a be ze yen nu là bwô mfen àm nà, a faṅ yôg sàm me. Tshù ju ze me bètte là! Mbèn njôg nzwit yag; tshù ju ze me kô là!

⁴Nummbe bo swèn yage, me, mba nzwit yag; ndù bo sate yage, ngwatte yage, mbiagte yage. Bo lo nswèn yag à ndù bag tù' kuan ke ghafa' lo mba me kab ntshu àm. Nda' ndù ngakeban ke' ku'ni netô bin ntàn z'a ghù mfen bi là.

⁵Ndùlala mfen Asuérus bètte màbwengub Esta ndù: Ng'é b'a we? Mèn z'a tshwèt nkwate neghù lèn yen nu là b'a we? Ng'é b'a yà?

⁶Esta bùnte ndù: Ngafétte, ngakeban b'a Haman, tshùagkèt mandum nà! Bwôg ghom Haman mbwe mfen bo màbwengub.

⁷Mfen lo dù' jùa ntùm yantù, nèn ntùm nka' z'a mbaṅ ba' mfen nà. Haman tù' num nelon kondèn bo yôg màbwengub Esta. Nummb'a lo yen mbe ze nu mi, mbe ndù mfen à jù' yen nu là ntù i.

⁸Ndùse mfen fe ntùm nka' z'a mbaṅ ba' mfen mbèn njam ntùm ndà jùa là, a tèt Haman ndù a nèn ntshùb kunndà se màbwengub Esta tswe num bwe là. Ndùlala mfen tshob ndù: A bèn nke nke' ndiag nekag à mfaṅ num màbwengub ndà àm, ntùm ntshwèt ké? Ndùse men ntshob là yoṅ ntum ntshu mfen nà, bo kut se Haman.

⁹Harbona mo' mèn netèt ba mbantshù' mfen tshob mbwe mfen ndù: Tshù saṅ se Haman te netaṅ Mardokai bwe li ntùm ndà Haman, ndù a ghù mbu ntshob tàn ṅam mbàa nenèn tù. Mardokai lo tshob nu ntùn num mfen. Mfen tshob ndù bo taṅ Haman num sen saṅ nà.

¹⁰Bo taṅ Haman num saṅ s'a na' nte tù num Mardokai là. Ndùlala yantù mfen kôgte.