Read Medumba Yob 18 Bible Online

Yob 18 - Medumba bible

Yob 18

¹Bildad ze Shuash tshob ndù:

²Yob, bin nsi miagte ntshob min à ndùke? Bin nsi faṅ bag tshob nu à ndùke?

³Numke bag mb'a ghafemni num miag min à?

⁴Ndù tsha' nsi tù' kônkwa num tu o ké? O tshwèt nsé'te wul o ntùm yantù o. Ndù ngondoṅ nsi tsho' num dù' bo be bwe là ké?

⁵Ṅ, nka' ngatshùagntù nsi bi, lambwôg s'a tum tômbwôg i là be ke bèn neké' dù'.

⁶Nelàn nsi tam njam ntùm ze ntàb, lambo bi num tu i.

⁷Nku mi mi a ke ntàm tàm nà nsi vôgte, a vù nsi mba mb'a tshwèt nkagntùn nà.

⁸Nummb'a so nku mi ntùm nkù, nke nzin num ywi'.

⁹Ywi' ghom i à num tun ku i, nkù ghom i à fafa.

¹⁰Bo lo' nkù ntôg yi à ntùm tsha'a. Ywi' b'a num manz'é.

¹¹Ba bwôg kab mbu num i, ndiaṅ i mbume, nke nta' i njam njam.

¹²Nziku' a' biagte ze ngù' fa; sobni nsi lam i mbume.

¹³Ngokèt fèt ngub i fa. nshum vùkob z'a b'a tuswe i là fèt nkam wut mi fa.

¹⁴Bo nsi sô i ntùm ntàb i, dù' z'a na' nkwate mb'a' tswe bwe ke ke ntshàm nà, ndo' i nèn yi mbwe mfen vùkob.

¹⁵Ndonni ze bo naṅ njôg ntùm ze dù'ntswe là, be mba we lo tswe ntùm ze ntàb.

¹⁶Nga tse jum bam nsi, nkaṅ mi be mfe tù ndù bo keb.

¹⁷Nekwimte lén se mi num nsitsha'a, lén se ke' bèn mbe num tsha'a.

¹⁸Bo sô i ntùm nelàn ma' ntùm njame. Bo sô i ze ntùm njù ndùlala.

¹⁹A ke' faṅ bon, ke faṅ ze nzwit netèt tse ben, ke faṅ sàm mènntùn num dù' z'a ke ntswe bwe là.

²⁰Zwiaṅ benntùn tse bo tum njam nà nsi tshàm num mb'a lo' ngwù yi là. Bwôg a' ghom zwiaṅ benntùn tse bo be ndonni là.

²¹Mo' manze ke' bèn mbe ngatshùagntù, mo' manze ke' bèn mbe mèn z'a ke' lèn Nsi là.