Read Medumba Yob 25 Bible Online

Yob 25 - Medumba bible

Yob 25

¹Bildad ze Shuash tshob ndù:

²ngù' bo bwôg b'a ntùm mbu Nsi. A num ngù fite be ntùm dù'ntswe tse ts'a tà tù là.

³Be mèn siaṅ ba Angél tse bo num mfa' yi là ké? We ze nelàn i ke' be ké' num i à?

⁴Be mènntùn tum mèn netsin num Nsi à ndùke? Be mèn ze mènnzwi bèn mbwe i là tum mèn nelàn mbwe i ké?

⁵Yen mbe mba maṅwù ke' làn, nsa ke bèn mbe làn num miag Nsi.

⁶A yoṅ si'i num mènntùn z'a b'a nda' ywèt l'à? A yoṅ si'i num mén mènntùn z'a b'a nda' metsit ywèt banban n'à?