Read Medumba Yob 30 Bible Online

Yob 30 - Medumba bible

Yob 30

¹Ndonni me tù' b'a ju komzwi num miag tse bo b'a tà njam àm nà, num miag tse me na' nke ngwag neyab tà tshob netèt mbù tse bo ke mbéb bwoṅ nyàm àm nà.

²Là, be neta z'a tum mum mbu mub là ywimt'àm ke? Bo ke' ku'ni nenèn nkum ntùm ywèn.

³Bo jum fa, nge' bo nziku' lab yube; bo tshwèt nkù nèn dù' nejumte, dù' ts'a fam fe ndùke lo, ntù' kônkwa là.

⁴Bo tshwèt nke nkàb nenà tshwèt bam bon nto' ntù, jujù yub be nga kasinga tshwèt.

⁵Bo num nta' yub netèt benntùn, nke nkua' njam bo mba bo num nkua' njam ba tshô là.

⁶Bo ke ntswe à ntùm ntômbo' mi a bag neshu là, ntùm ba ntô tsha' boa ngabndoṅ.

⁷Bo tshwèt nkua' ntùm ba tswe'tù, nke nkùmte bam ba njô.

⁸Bo b'a ben tse njoṅ yub ke bwe là, nzwit ze lén se ke bwe là. Bo lo lo' à shua' nsô yub yi ntùm ngô!

⁹ndonni bo tshwèt nse' zwi àm tshobe. Me ke' b'a sàm ju, nda' ndù me b'a ju komzwi bo.

¹⁰Nu tshàm num mbag yube, bo kaṅ se yube. Bo num ntôg nkekùà num se àm.

¹¹Mba Nsi kôg nkù yàm ngoṅkét, ntèn ntshag nsi là, bo ke' bèn neghom wut yub mba me na' mbètte bo là.

¹²Yen zwiaṅ ben kebwô là lo num bu àm ze zwim, nke ntèn nku màm. Bo to nze tà nse' nkum num àm neghù ndù me bi.

¹³Bo bagte ko' yàm manze, nke mfa' ndiag à be ndù me bi. Be sàm mèn ke tum neywimte yube.

¹⁴Bo ke nse' à mba bo tôg à num ta' fa s'a zi là. Bo tsho' ngwù bam dù' ts'a kôg là.

¹⁵Ba bwôg kab mbu num àm. Ghamaṅt'àm nèn à mba fetmbaṅ bèn nkel i là. Fu' sàm tôg à mba ndot là.

¹⁶Ndonni yôg ke nkù àm à nekù. Lé'njù nge' ghom àm, ywimte ke be.

¹⁷Njam to àm, nyute mvôg màm. Ntobni z'a tshwèt ntshu ntù àm nà ke' fà sàm fite me.

¹⁸A tshùa njam mba' nukebwô z'a tsho àm nà, nzwe àm bate mal i, ngom àm nshù' mba netàm nà.

¹⁹Nsi ma' àm ntùm netob, me fut'a mbab bo bwembwôge.

²⁰Me num nkua' ntsiaṅ o, o ke bùnte me. Me num ntsin tù o tam lag num àm.

²¹O tù' à ngatshùagntù num àm, O num ndo' neta bu o ma' àm yi ntsho.

²²O num mbù' àm nsi, ngù me fùt tà mfe num fetmbaṅ. O num ntshùa num tshu'te fetmbaṅ mbiagt'àm.

²³Tshù, me lèn mb'o ke nèn fà àm à vùkob, dù' ze njoṅ benntùn fa nsi bumte là.

²⁴Là, mèn z'a kwù là ke' be nyit mbu ké? Mèn z'a be ntùm nge' là ke' be ma' mbu num ywimte ké?

²⁵Me lo ke ghù ntsenyà num njennge' ké? Ntù àm lo ke ghù kondèn num mbwoṅ ké?

²⁶Me lo ke mbéb fu', njen nge' bèn nse'.

²⁷Tshu bam tshàm ke mbùn à ke tsin, lé'njù kebwô tum num àm ke ka'.

²⁸Me tshwèt nzin ndù me sèn, là ke b'a ndù nyam bèn nsèn àm. Me num ndo nsi netèt mbumte nkua'a.

²⁹Me tù' b'a mfèt ba mbù tshwèt, mbe nshun nsaṅ mbwe.

³⁰Ngub àm be nsèn ntsho' ngwù nsi. Mvôg màm num nkù, njume.

³¹Loṅ sàm tù' b'a vù, medub àm ke ntù' ghù nze nema' ndèn yi.