Read Medumba Yob 35 Bible Online

Yob 35 - Medumba bible

Yob 35

¹Eliu bèn ntshob ndù:

²a ke' b'a nenùn netshob mb'o b'a mbu' mbwe Nsi me Yob.

³O lo bètte Nsi ndù: nukebwô àm ke ntoṅ o num zit bag i à? A ke' ywimt'àm mo' ju nebe ke ghù nukebwô.

⁴Tu wul àm, m'a' bùnte wù mba fèt tsho.

⁵Lôte mfe kamànyam njene mba ndot nèn mfe tù njene!

⁶A be z'o ghù nukebwô là, mba yen nà ke tshwèt nse' mo' kebwô num Nsi. A be z'o ghù tsemo' tshu ts'a ke' bwô là mba yen nà nsi toṅ i zit bag i à?

⁷O be mèn netsin mba yen nà nsi ywimte Nsi à ke? Nsi ke' bwoṅ sàm ju kà nke nkwé à wù!

⁸A fèt tsho ben nyiaṅtu bèn nke nju' kebwô num nukebwô tsho. Mebwô z'o ghù là num mbèn njwimt'a bo.

⁹Benntùn num ntsham zwe ndùse bo fétte yub là. Bo num nkua' mum mbu ben neta.

¹⁰Là sàm mèn ke' be tshob ndù: Nsi z'a be Mbom àm nà yà? Tshù, a b'a yi bèn nke ngù bag njob nkwi tsiaṅte tèttswe'.

¹¹Nsi bèn ngù be mbe ghazenu ntshùa nyàm ts'a nsitsha' là, ntù' ghazenu ntshùa nsaṅ mi à mfe kamànyam nà.

¹²Bo num nkua' ntsiaṅ Nsi num ywimte, là, a ke bùnte, mbe ndùlala num ko'tewut ghatshùagntù.

¹³Nsi ke' be ju' ntshob tùtù, Nganeta Ntshùate ke' be kù' ntoṅ num bwe.

¹⁴Yob, o num ntshob mb'o ke' yen Nsi, là, bébe, nummbe yôg so b'a mbwe i.

¹⁵O kwate mbe Nsi ke naṅ ntsha ké? Nkwate mb'a ke' be te lag num nukebwô ké?

¹⁶Tshù, Yob ke nga' ntshu i ntshob à tshu banban, nke nsa ntshob ke ntun nke nèn yi.