Read Medumba Yob 37 Bible Online

Yob 37 - Medumba bible

Yob 37

¹A ndùlala ntù àm num ntame, nke ndiag netum dù' z'a be là.

²Bin ju'u, bin ju' mba nz'é tshwèt maṅ nà nju'u! Bin ju' netshu' z'a tshwèt ntum ntshu Nsi nju'u!

³Njoṅ i fa lo' dù' mfe kamànyam, mbeba' mbaṅ mi be nké' num ta' tôg tsha' nèn nkum num mo'o.

⁴Yen nà num mbe tôge, netshu' kam, nz'é ze nekuni fà là se tù. A ke' bèn mbe tshùb mbeba' mbaṅ ndùse mfambaṅ tsham nà.

⁵Nsi num ngù be yen tshu nekuni tse be ke' ju' tu be bwe là.

⁶Nsi num ntshobe, nywin mbaṅ vù num nsitsha'a, ntshobe, neta mbaṅ lo num nsitsha'a.

⁷A num nte màkwa num bu benntùn, ndùlala ndù bo lèn mb'a bèn nabte yube.

⁸Mba nyàm tshwèt num mbèn ntùm ngab i, nzi ntùm ze ntô.

⁹Fetmbaṅ nsi fe mà ntèn, mfùag fe tu.

¹⁰Nsi num ndo' ywèt ntshu tse ngù ntse kaṅ ntù' loṅ, a lo' nkaṅ nywin mbaṅ yi.

¹¹A num ndo' ba ywèt nkaṅ ndot yi, nke nsate ndot ze fambaṅ be ntùm bwe là.

¹²Nsi be ndo' yub nèn yi bag bag mb'a kô là, nke mbèn ntshagte yube. A num ngù bo fa' mba ke lo z'a tshob là num nsitsha'a.

¹³A ke mb'a mba shua' nelo' ndab nsitsha' yi là, ke mba keki nkôni z'a tum num nsitsha' lo.

¹⁴Na' nkù' ntoṅ nju' me Yob. Yen njoṅ tshu nekuni tse Nsi fa' njene!

¹⁵O lèn mba Nsi fa' tshen tshu là ké, o lèn mb'a be ngù kà ndol i nke nké' là ké?

¹⁶O lèn mba ndot be ndo' nzin mfe tù là ké, ndèn mfa' nekuni mi ngasiaṅte ntshùate fa' là ké?

¹⁷Wù ze nzwe tsho tshwèt ntone, ndùse nsitsha' tshwèt mfite bam fetmbaṅ z'a fe ntèn nà,

¹⁸b'o ywimte Nsi nenyitte kamànyam ngù a ta mba yente tùn se bo kwite là ké?

¹⁹Soṅ yag ju ze bag tshob Nsi là. Bag ke' lèn sàm ju ze be bag tshob yi là.

²⁰Me ke nsi bètte Nsi ndù a bam me tshob nu. Mèn bwe z'a b'a bam nebi là ké?

²¹Ndonni bo tshwèt njen làne, lagnyam s'a tshwèt ntà là b'a bam ndot; fetmbaṅ num ntshùa mbé'te njoṅ i fa nèn yi dù' làn.

²²Tshù mo' nka' tshwèt nziag tu mba gol là nke nse'e. Mo' tonte nka' ndù a lam Nsi mbume, nke nkag bwôge.

²³Mba' Nkuni Nsi zi neshu kà be ke ku'ni neghebte num i. A b'a Nganeta, mbe mèn nenùne. A ke nsi zi fà mbùn ntshob sàm mènntùn.

²⁴A ndùlala, a bwô benntùn bwôg Nsi. A ke' be te lag num sàm nzenu.