Read Medumba Yobkwi 10 Bible Online

Yobkwi 10 - Medumba bible

Yobkwi 10

¹Tshùaben, numk'o nke ntswe ngùanesà, nke ndem ngelaṅ nge' à?

²Ngayennge' b'a bu nkummbàa ntùm ko'tewut ghatshùagntù, a vù ntùm nkù z'a dù' là.

³Nummbe tshùagkèt mèn num nyàmte wul i num ju z'a num nge'te là. Nke ntshob ndù: Nsi ke bwe, tshù mi nkwate là.

⁴Tshùagkèt mèn be ntshob ntùm ze ko'tewut ndù: Nsi ke' be naṅ ntsha tu mèn; Nsi ke' be bwe, tshù mi nkwate là.

⁵Njoṅ mfa' mi fa num ngwù lag njoṅ ndù fa. Njoṅ tse tsho'te ntsha Nsi fa b'a ngùanesà mbaṅ i, a be ntôg ntsi num ghamaṅt'é.

⁶A be ntshob ntù i ndù: Me ke' vù nsi, me ke nsi zi tsho tshàm ntùm nge'.

⁷Neso ndon, tatte mba fùte dun ntshu i. Nukebwô mba mfànnu num num lém se.

⁸A be ndem mbaṅ ba ngô. A be nsob mèn nelàn ntùm dù' ts'a bènte njamnjam nà. Miag mi be nton ghayennge'.

⁹A tshwèt nya' dù' z'a lem nà, ndaṅndaṅ mba ngwayit ntùm ntô i là. A tshwèt nya' ngayennge'. A be ngom i, nsoṅ i, ma' i ntùm nkù i.

¹⁰A be ṅam wul i nsi, a be mben wul i nsi, ghayennge' vù num nkib mi.

¹¹A tshob ntùm ntù i ndù: Nsi lagte. A lem se i, a ke zi mbèn ndôte.

¹²Lo nsi me Tshùaben, o Nsi, bù' bu o tù, kà lagte ghayennge'!

¹³Numke tshùagkèt mèn nke ngwag Nsi à? Numk'a nke ntshob ntùm ntù i ndù: Numk'o ke tsho't'àm à?

¹⁴Là, mba ndùlala, o be ndôte, nummb'o be njen ntobni yub mba nge' yub, Ngayennge' ke njèn wul i à wù. O be njwimte ménntse.

¹⁵Be' bu tshùagkèt mèn mba mèn kebwô, te lag num mfànnu mi, biagt'é num miag mu.

¹⁶Tshùaben b'a mfen z'a tswe yoṅ ntshù' là, z'a tswe matmat là. Bo nsi biagte ghakelèn Nsi ntùm ze ngô.

¹⁷Tshùaben, o be nju' ju ze ben nebétni be nkô là, o be ntswe'te ntù yube; o be nkù' ntoṅ,

¹⁸ndù o ghù nunetsin ménntse bo mèn bo fétt'é là, ndùlala ndù mènntùn ze bo sô i à ntùm tsha' là mèn nyiaṅtu tsine, ke bèn nekag bwôg.