Read Medumba Yobkwi 114 Bible Online

Yobkwi 114 - Medumba bible

Yobkwi 114

¹Ngelaṅ Israél na' ntum mà Egipto, tunndà Yakob tum netèt ba tum nà,

²Yuda lo tù' ndà i ze nelàne, Israél be ze ju.

³Dibantse yen i nkù, ntse Yordan bèn mbèn njam,

⁴ba mbat ywètte mba nkom njùmbwe là, nkônga ywètte mba njùmbwe là.

⁵Dibantse, ke z'a ghù k'o nke nkù à? Ntse Yordan, ke z'a ghù k'o nke mbèn njam à?

⁶Ba mbat, ke z'a ghù kà bin nke njwètte mba njùmbwe l'à? Nkônga, ke z'a ghù kà bin nke njwètte mba njùmbwe l'à?

⁷Tsha'a, a bwô ndù o vètte mbwe Tshùaben, mbwe Nsi Yakob,

⁸yi z'a be ngù gholoṅ kaṅ ntù' tàmntse, ngù kwango' kaṅ ntù' tumnsi ntse là!