Read Medumba Yobkwi 13 Bible Online

Yobkwi 13 - Medumba bible

Yobkwi 13

¹Ntshagte yobkwi. Yobkwi David.

²Tshùaben, o nsi lagt'àm njoṅ ndù fa tà nèn kum à ndùke? O nsi lem àm se o tà nèn kum à ndùke?

³Me nsi ke ghù nywin ntùm ntù mba sit lé'njù lo, me nsi ghù ngùtni ntùm ntù tà nèn kum à ndùke? Ngakeban àm nsi ke lo nsi num àm tà nèn kum à ndùke?

⁴Tshùaben Nsi àm, lôt'àm, mbùnte me. Ghù ndù miag màm ké'é, ndùlala ndù kà me bèn nzi miaglo vù.

⁵Ndùlala kà ngakeban tshob ndù: M'a' tshùa i, mba ndù kà ghakeban tshàm tsiaṅte ngelaṅ me tiag là.

⁶Tu wul àm, me yab ntù àm num nu yôg s'a fe wù là. A bwô ndù me yob kwi Tshùaben num numebwô z'a ghù me là.