Read Medumba Yobkwi 130 Bible Online

Yobkwi 130 - Medumba bible

Yobkwi 130

¹Yobkwi ko'ko'. Tshùaben, me be ntsin mà ntùm ghem nkua' ntsiaṅ o.

²Tshùaben ju' mba me tsiaṅ o là. A bwô ndù o kù' ntoṅ nju' nze tshàm le'te.

³Tshùaben, o lo nke nte lag num nukebwô mba we z'a ku'ni neyôg à Tshùaben?

⁴Là nelagte num mbaṅ o, ndùlala ndù bo bwôg o;

⁵Tshùaben, me nywinte, ntù àm nke nywinte, me nke mbéb nka'ni o.

⁶Ntù àm be mbéb Tshùaben ntshùa mba ghabéb njù be mbéb ndù njù làn nà.

⁷A bwô ndù Israél nywinte num Tshùaben, nummbe kondèn num mbaṅ Tshùaben, netshu' be mbèn njàm mbaṅ i.

⁸A b'a yi nsi mbèn tshu' Israél num njoṅ nukebwô tse fa.