Read Medumba Yobkwi 142 Bible Online

Yobkwi 142 - Medumba bible

Yobkwi 142

¹Yobkwi David. Ngelaṅ a na' mbe num ngabloṅ nà. Le'te.

²Me be nkua' ntsiaṅ Tshùaben, me be nkua' nde'te Tshùaben.

³Me be njab yàm ngùtni mbwe i, me be nsoṅ i yàm nge'.

⁴Ndùse zwiag sàm tshwèt mfam nà; là, o lèn yàm manze. Bo bùn nkù num manze ze me be nzin bwe là nelo' ngom àm yi.

⁵Lôte bag bu zwim njene, sàm mèn ke bwe z'a lèn àm nà, njoṅ ndàlem fa bi num miag màm, sàm mèn ke bwe ze nu tshàm tshwèt ntoṅ i là.

⁶Tshùaben, me lo kua' wù ntshob ndù: o bèn mbe yàm ndàlem, yàm bag i ze me ghù mum njù benntùn nà!

⁷Kù' ntoṅ nju' nkua' màm, nummbe me b'a kua' njennge'. Tshu' àm bu ben tse bo tshwèt ntsho' nku màm kebàn nà, nummbe bo ta ntshùa àm.

⁸Ghù ndù ntù àm tum ndàtsha, ndù me ghamte lén so; ben netsin nsi diaṅ àm bume, mb'o nsi ghù numebwô num àm nà.