Read Medumba Yobkwi 147 Bible Online

Yobkwi 147 - Medumba bible

Yobkwi 147

¹Aléluya! Ghamte Tshùaben, nummb'a b'a mèn mebwô, bin yob kwi Nsi be, nummb'a b'a fitemèn, ghamte ku'ni num i.

²Tshùaben tshwèt mbèn nkut Yérusalém, a tshwèt ntse'te bon Israél tse bo nèn kuan nà,

³Tshùaben be njate ben tse ntù yub be'te là, nkut mfaṅ yub.

⁴A be nsiaṅ njoṅ nsa fa, nke ntsiaṅ mba sit sa lo lén se.

⁵Tshùaben be b'a mèn ndùb, ndù a ta neshu, zenu i ke' ghù ndù i.

⁶Tshùaben be ntomte ghayennge', nke nkôg ghatshùagntù ntshag nsi.

⁷Bin yob yobkwi ma' mbu Tshùaben, bin yobe, bu' i Nsi be num loṅe

⁸Tshùaben be ndo' ndot mfim kamànyam yi, a be nabte mbaṅ z'a lo num tsha' là, a be ngù nenà bit num ba mbale, ngù ntù num jujù mènntùn.

⁹Tshùaben be mfà jujù ba nyàm, mfà jujù bon mala ngelaṅ bo kua' là.

¹⁰Mba neta nyàmdiaṅ ke' be bwô i, a ke' be tsiaṅte num nku mènntùn.

¹¹Tshùaben be nkô ben tse bo be mbwôg i, nke nywinte num kondèn i là.

¹²Yérusalém, ghamte Tshùaben. Sion, nyàmte Nsi o,

¹³nummb'a bèn nso neta num tsho nzendà; a yab kàn bon tsho netèl o.

¹⁴Yi z'a be njab fite num yu ndùla' là be nkém o nzit mba bàn o ywèt.

¹⁵Tshùaben be ntshob ntshob mi num nsitsha'a, ntshob mi be nkù nde neshu.

¹⁶A be mfà nywinmbaṅ mba ndeb là, nsa ndot mba bwembwôg là.

¹⁷A be ma' nywin mbaṅ à nkam nkam, we z'a ku'ni nefènte mfùag i à?

¹⁸A be ntum ntshob mi, a yag nywinmbaṅ, a be ngù mfùag i fètte, ba ntse swe'.

¹⁹A lo la'te ntshob mi Yakob, nda'te ntshù' mi mba nkàn mi Israél;

²⁰Tshùaben lo ke ghù ndùlala num njoṅ tsemo' ngô fa, bo ke' lèn nkàn mi. Aléluya!