Read Medumba Yobkwi 2 Bible Online

Yobkwi 2 - Medumba bible

Yobkwi 2

¹Numke ngôngô nke nyi't'à? Numke ntumntum nke njab nkwatenu mub num tshu banban à?

²Fenfen ntùm njù kame, kamkam ghù ntse'te netèt bo num nebàn Tshùaben mba Mén i z'a yo' i mfèt là.

³Be kebte nkù tshobe, Be tshu' wut be mbu bo.

⁴Mèn z'a tswe num ko'fen mfe kamànyam nà zwi tse. Tshùaben tshabte yube.

⁵Tshùaben tshob nu bo ntùm yantù i. A nyi'te yub ntùm tshùagntù i:

⁶A me bèn njo' yàm mfen, num mbat Sion, mbal àm ze nelàne!

⁷Me nsi bu' keka' tshob ntshù' Tshùaben. A tshob me ndù: O b'a mén àm. A me bèn mbwe o sènni.

⁸Bètte, me nsi fà ngôngô wù mba yu ju là,

⁹O nsi lab yub shua' tùne, tsit yub ndaṅndaṅ mba ntetsha' be ntsit kab là.

¹⁰Fenfen, ndonni bin ju'u, ghatsho'te ntsha ntùm njù, bin zi'te!

¹¹Bin fa' Tshùaben ntùm nebwôge, bin ke ntsiaṅte ntùm nevètte,

¹²bin tate nku mi, mbwôg ndù k'a ya ntù, ndù kà bin bi num zin manze. nummb'a tù' mén nda'nda' yantù i kame. Mènfen b'a mèn z'a be njab ntù i num i là.