Read Medumba Yobkwi 21 Bible Online

Yobkwi 21 - Medumba bible

Yobkwi 21

¹Ntshagte yobkwi. Yobkwi David.

²Tshùaben, mfen be ntsiaṅte mb'o be ntshètt'é là. Tshù, yu ywimte be ngù a dun tsiaṅte.

³O fà ju ze ntù i ke nkô là yi, ke bèn nga ju ze nkub ntshu mi bètte là.

⁴Nummb'o lo yà soṅ i njam mbotni kondèn o. O te tshe' gol nelàn tu i.

⁵A lo ke mbètt'o yôg, o fà yi, yôg s'a tswe yàme, ntswe matmat là.

⁶Ghamt'é b'a ze ndùb num nu ywimt'o. O yab neziag mba nkuni num i.

⁷O lo' i ngù ju mbotni yi yoṅ ntshù', ngù a nke ndun tsiaṅte mbwe o.

⁸Mfen be njab ntù i num Tshùaben. A be ntshùa num kondèn Nsi z'a tà mfe tù là, a ke tiag.

⁹Bu o nsi fon njoṅ ghakeban tsho fa. Bu o ze zwim nsi fon ben tse bo be mban o là.

¹⁰O nsi ma' yub dù' z'a tswe mba dù' mbwôg z'a tshwèt nkù là, lé'njù z'o nsi la'te wul o là; Tshùaben nsi biagte yub ntùm yantù i, mbwôg nsi kù yube.

¹¹O nsi ghù nzwit yub bi num nsitsha'a; nzwit yub mi netèt bon mèn nyiaṅtu.

¹²Bo jù' neghù nukebwô num àm, bo ghù nkwate kebwô, nda' ndù bo ke' ghù neta.

¹³Nummb'o nsi ghù bo kaṅ mvèn yub. O nsi lo' két so tam yub yi.

¹⁴Tshùaben, lo nsi bin neta o, bag kô neyob kwi, ngamte neta o yi.