Read Medumba Yobkwi 23 Bible Online

Yobkwi 23 - Medumba bible

Yobkwi 23

¹Yobkwi *gi*David. Tshùaben b'a ngabéb àm, me ke' bwoṅ sàm ju.

²A be ngù me nke mfite tshàm ntùm kin nenàfi. A be ndo' àm nèn yi mbaṅ ntse mi fel i ke' ta là.

³A be ntswe'te ntù àm. A be ntshagt'àm num manze ts'a tsin nà, ngù ndùlala num lén se.

⁴Ngelaṅ me tshwèt nzin ntùm bu'to' nesènte là, me ke bwôg sàm nukebwô, nummbe bag wù bèn mbe. Shua' so mba kôg so be ntswe'te ntù àm.

⁵O be nabte téblé nte mbwe àm, ngù ndùlala mbwe ghakeban tshàm. O be njo' tu àm mfèt, ntu' àm dun mfètte.

⁶Ṅ, fu' mba kondèn nsi nèn tshag àm num njoṅ lé'njù yôg sàm fa. me nsi tswe ntùm ndà Tshùaben tà nèn kum yàm miagte lé'njù.