Read Medumba Yobkwi 24 Bible Online

Yobkwi 24 - Medumba bible

Yobkwi 24

¹Yobkwi David. Tsha' mba ju z'a be num bwe là, njù mba ben tse bo be ntswe mum bwe là, njoṅ i fa b'a tse Tshùaben.

²Nummb'a lo te tsha' num dibantse, njab i num bon nta'ntse.

³We z'a ku'ni neko' num mbat Tshùaben à? We z'a nsi ko' tà nèn num dù' i ze nelàn à?

⁴A b'a mèn z'a ghù ntù nelàne, mba mbu mi a be mi mbu' là. A b'a mèn z'a ke' be swèn ntù i tatte, ke bèn nke nkàn mfe ntatte là.

⁵A nsi kwé mbotni mi a fe Tshùaben nà, kwé nunetsin z'a fe Nsi ngayôg i là.

⁶Tshù ju ze nzwit ghatsiaṅ lén se ghù là. Tshù ju ze njoṅ ghadiag se Nsi Yakob ghù là.

⁷Nzendà, mbatndà, bin nèn tù, nzendà ts'a tswe neshu là, bin nèn tù, ndù mfen nkuni tsho!

⁸Yen mfen nkuni là b'a we? A b'a Tshùaben, Nganeta, Ngafùag wut, Ngafùag wut num ntsho.

⁹Nzendà, mbatndà, bin nèn tù, nzendà ts'a tswe neshu là, bin nèn tù, ndù mfen nkuni tsho.

¹⁰Yen mfen nkuni là b'a we? A yi Tshùaben Sébaot. Yi mfen nkuni.