Read Medumba Yobkwi 25 Bible Online

Yobkwi 25 - Medumba bible

Yobkwi 25

¹Yobkwi David. Tshùaben, me bù' zwiag sàm mfà wù.

²Nsi àm, me ke njab ntù àm à num o, kà bam ndù tuswe ko àm. Kà bam ndù ghakeban tshàm tsiaṅte num àm.

³Tuswe ke nsi ko njoṅ benntùn fa tse bo be nywinte num o là. Tuswe nsi ko ben tse bo ta tu ke ntun nà.

⁴Tshùaben tswit'àm manze tsho, ghù me lèn ntshagnze tsho,

⁵tshagt'àm ntùm nenùne, ntswit'àm, nummb'o b'a Nsi ngayôg àm. Me ke nywinte yàm à num o njoṅ ndù fa.

⁶Tshùaben, kwimte kondèn o mba bwôntù o, nummbe bo tswe matmat.

⁷Kà te lag num tshàm nukebwô lé'njù nshum, ke màm mfànnu lo. O Tshùaben, kwimt'àm nda' num kondèn o, mba num bwôntù o.

⁸Tshùaben b'a mèn mebwô mbe mèn netsine. A ndùlala, a be nda'te manze ben kebwô.

⁹A be ntshagte bétni benntùn ntùm nunetsine. A be ntswite bétni benntùn manz'é.

¹⁰Kondèn mba fite num njoṅ tse manze Tshùaben fa, num ben tse bo be ndé' ntshù' mi mba nkàn mi là.

¹¹O! Tshùaben, o tshùa num lén so, kà ndagte mfànnu màm, nummb'a ghu' neshu.

¹²A zit mèn z'a be mbwô Tshùaben à? Tshùaben be nda'te manze z'a nsi tsho' là yi.

¹³Ntù i nsi fite ntùm fu', ngô nsi tù' ze nzwil i.

¹⁴Tshùaben la'te tsham se à ben tse bo be mbwôg i là, tsham se mbit be ntswite yub kàn Tshùaben.

¹⁵Me be nte miag màm njoṅ ndù fa num Tshùaben, nummb'a nsi sô nku màm ntùm nkù.

¹⁶Lôt'àm, ko ndèn màm, nummbe bo ghua' àm, me tù' ngayennge'.

¹⁷Nge' ts'a ntù àm nà tshwèt njàm nèn mbwe; sô àm ntùm nge' tshàm.

¹⁸Yen nge' àm mba ngùtni àm. Lagte njoṅ nukebwô tshàm fa.

¹⁹Tshù mba ghakeban tshàm yàme, tshù lèn neta kebàn bo tshwèt mbwe àm yi njene!

²⁰Lem ntù àm, yôg àm! Kà bam ndù tuswe ko àm, ngelaṅ me tshwèt ndiag dù' nelem num o là.

²¹A bwô ndù nu nebe mbu' mba nunetsin kabt'àm, ngelaṅ me tshwèt njab yàm nenywinte num o là.

²²O! Nsi àm, tshu' Israél, num njoṅ nge' tse fa.