Read Medumba Yobkwi 30 Bible Online

Yobkwi 30 - Medumba bible

Yobkwi 30

¹Yobkwi. Yobkwi num netsho' Ndà Nsi. Yobkwi David.

²O! Tshùaben, me nyàmt'o, nummb'o lo bù't'àm. O ke' bam ndù ghakeban tshàm tsiaṅte num àm.

³Tshùaben Nsi àm! Me lo kua' wù, o yat'àm.

⁴Tshùaben! O lo ghù zwiag sàm ko' mà ntùm ngô fe ben. O lo ghù me bèn njôg ngùanesà mbaṅ ben tse bo swe' nèn ntùm tô là.

⁵Bin yob kwi mfà Tshùaben, bin tse bin be nkô i là. Bin ghamte nelàn i ntùm zin nenyàmte.

⁶Nummbe yantù i nke mb'a nda' num metsit ngelaṅ, là kondèn i be ngu'ngu'. Nekua' be mbe mfetnjù, tsiaṅte be nkebnjù.

⁷Me lo ke ntshob ntùm ngelaṅ fu' ndù: Me ke nsi zi tiage!

⁸Tshùaben, o lo tshùa njam kondèn o, nte àm num mbat z'a ta là. O lo lem se o, tu àm tshu'.

⁹Tshùaben, me lo kua' wù, Tshùaben, me lo tsiaṅ o:

¹⁰Bin z'o jù b'a ke mb'o fètte lem tshàm, ngù me swe' nèn ntùm tô l'à? Mbab be nyàmt'o ké?

¹¹Tshùaben, ju'u, ko ndèn màm! Tshùaben, ywimt'àm!

¹²O lo' njoṅ yàm nekua' fa nkaṅ tsiaṅte yi. O sô bam vù bu àm, ntôg nzwe nswe tun àm,

¹³ndùlala ndù ntù àm ke njob kwi wù, ke tswe ntshu mi'i. Tshùaben Nsi àm! Me nsi ke nyàmt'o njoṅ ndù fa.