Read Medumba Yobkwi 36 Bible Online

Yobkwi 36 - Medumba bible

Yobkwi 36

¹Ntshagte yobkwi. Se ngafa' Tshùaben. Se David.

²Nukebwô be mbwô mèn kebwô, ntshob kebwô b'a tà mà ntùm ntù i. Nebwôg Nsi ke' be tse num miag mi.

³Nummb'a be mbatte wul i ze tu, ndù a zwiagte nukebwô i ngakeban i.

⁴Ntshob mi a be ntum ntshu i là ke' tsin, mbe mi tatte. A be nga nelo' zenu kà ngù yi, nga neghù numebwô

⁵A be nô kunndà i nke nkwat'a nuketsin. A ke ntsin à be num manze z'a ke' bwô là.

⁶Tshùaben! Kondèn o be nèn tà nkum mfe kamànyam, nenùn o nèn tà nkum num ndot.

⁷Yu nunetsin be à mba mbat Nsi là, tsho tsho'te ntsha be mba ghem ndùb là. Tshùaben, o be ntomte benntùn mba ba nyàm.

⁸O Nsi, kondèn o ta njoṅ neshu. Bon mèn nyiaṅtu be ndiag ndàlem à bam netshaṅ mbàb mu.

⁹Bo be njù njwèt ntùm fu' s'a gha' mbu ndà o là, o be ngù bo nu ntùm koṅntse mebwô z'o ghù là.

¹⁰Nummbe tumnsi ntse yôg b'a mbaṅ o. Bag ke ntshùa njam yu nka' kà njen nka'.

¹¹Yab kondèn ben tse bo lèn lén so là. Yab nunetsin o ben tse ntù tshob tsin nà.

¹²A ke' bwô ndù ku ngako'te wut be njam yàm, ke bwô ndù bu ghatshùagntù ghù me kù.

¹³Tshù ben kebwô là bo vù nsi là, bo ma' yub nsi, be bo ke bèn ndo nsi nze.