Read Medumba Yobkwi 38 Bible Online

Yobkwi 38 - Medumba bible

Yobkwi 38

¹Yobkwi David. Num nekwimte.

²Tshùaben, kà naṅ ntsha tu àm ntùm yantù o, kà naṅ ntsha tu àm ntùm tshùagntù o,

³nkét mo tshote num àm, bu o lèt num àm.

⁴Mo' ju ntùn ke ntùm mbàb wul àm, mba num yantù o. Neta ke' bèn mbe num mvôg màm, mba num nukebwô àm.

⁵Nummbe mfànnu màm nèn tù kà ntôg tu àm. Mfànnu màm lèl àm neshu ntshùa ntsha' ntshwèn.

⁶Nkeko' màm tshwèt ndame, nya'te, mfe à num yàm bà.

⁷Me ṅam, mbot tà nèn miagte. Me ke mba be ntùm nge' njoṅ ndù fa.

⁸Nummbe mo' tonte ngokèt tshwèt nkù mum zwe' àm. Mo' nu ntùn ke ntùm mbàb wul àm.

⁹Neta ke me, bo be't'àm fafa. Me be nkua'a, nke nzi' mà ntùm ntù àm.

¹⁰Tshùaben, njoṅ yàm nekô fa num mbwe o, njoṅ yàm fém fa ke' lem mbwe o.

¹¹Ntù àm tshwèt ntame, neta àm mi. Mba kua' nelàn miag màm ke' bèn mbe me.

¹²Shun tshàm mba ben tse bo lèn àm nà kù àm num keko' sàm. Tshàm ben fa nke ntù' tsin à kà'ku.

¹³Ben tse bo kô nezwi àm nà bùn njwi'. Ben tse bo be ndiag ndù nge' tsho àm nà tshwèt ntshob ntshob kebwô num àm, bo be magte tatte njoṅ lé'njù fa.

¹⁴Mbe se' mba me là, me b'a mbu'ntoṅ, me ke tshwèt nju'u. Me b'a mba ketshob z'a tshwèt nga' ntshu i là.

¹⁵Me b'a mba mènntùn z'a ke tshwèt nju' là. Ze mo' sàm fiaṅte ke ntshu i tse là.

¹⁶Tshùaben, me ke nywinte yàm à num o; Tshùaben Nsi àm, o nsi bùnte me.

¹⁷Nummbe me be ntshob ndù: Kà bam ndù bo tsiaṅte num àm, ke bam ndù bo bù' tu nsi num àm, a be ze mba ku àm tiag là.

¹⁸Nummbe me tù' ke nevù nsi, yàm ya ke mb'a be mbwe àm njoṅ ndù fa.

¹⁹Nummbe me bam mfànnu màm, me tshwèt mbwôg num nukebwô àm.

²⁰Ghakeban tshàm tswe tshob mebwô, neta dun num bo. Ben tse bo be mbàn àm ke ntun nà gha' mbu.

²¹Bo be ndo' nukebwô njagte numebwô yi. Bo b'a ghakeban tshàm, nummbe me be ndiag numebwô.

²²Tshùaben, kà ghua' àm, Nsi àm, kà nèn ngùanesà mbaṅ àm!

²³Se' ndende njwimt'àm, wù Tshùaben ngayôg àm.